6 mamyrda Aqmola oblysyndaǧy Selinograd audanyna qarasty Qosşy auylyndaǧy oblystyq jedel järdem stansasynyŋ otyz şaqty feldşerı men jürgızuşısı jūmysqa şyǧudan bas tartyp, memleketten koronavirus ındetı kezınde üstemaqyny bärıne bırdei berudı talap ettı.
Jürgızuşı Dosbol Dalabekov nauryz aiynda jalaqysynan bölek bank kartasyna 11 myŋ teŋge tüskenın aityp, "būl ne aqşa, eger koronavirus üşın berılgen aqşa bolsa, bermegenı dūrys" dedı.
Onyŋ sözın qoştaǧan feldşerler bilıkten ne sebeptı Nūr-Sūltan qalasyndaǧy jedel järdemnıŋ koroniviruspen jūmys ıstegen tobyna memleket bölgen üstemaqyny tolyq kölemde alǧanyn, özderınıŋ qalys qalǧanyn tüsındırudı talap ettı. Mekemenıŋ aǧa feldşerı Aigül Betenbaeva auyl feldşerlerınıŋ üstemaqyny qalai alatynyn şeşıp otyrǧan komissiia ökılderınıŋ aralaryna kelıp bırge jūmys ısteuın sūrady. Aituynşa, üstemaqyny esepteuge kelgende jergılıktı bilık özderın koronovirusty tasyǧan saǧatyn ǧana sanap, al oǧan barmaǧan feldşerler men jürgızuşılerdı tızımnen şyǧaryp tastaǧan.
Narazy feldşerler "Bızdı koronaviruspen auyrǧandarmen qatynasta bolmady degenmen bız olardy künde tasymaldaǧan ärıptesterımızben bırge kezekşılıkte jürmız. Qalai bızdı bailanysta bolǧan joq dep tızımge engızbeidı? Būl ädıletsızdık. Bıreuge 146 teŋge ǧana bergen. Būl ne mazaq?" dedı.
Jedel järdem qyzmetkerlerımen Aqmola oblystyq jedel järdem stansasynyŋ bas därıgerı Aleksandr Vysoskii men Selinograd audany äkımdıgı qyzmetkerlerı kezdestı.
Selinograd audany äkımınıŋ orynbasary Alma Aitqojinova feldşerlerge "jūmysqa kelgende qandai jalaqy alatynyn bıldıŋızder" dep sögıp, taǧy qosymşa bırneşe jūmys ısteuge şaqyrdy.
5 mamyrda da Aqmola oblysy Selinograd audanynyŋ jedel järdem qyzmetkerlerı bilıkten qosymşa üstemaqy talap etken edı. 6 mamyrda olarǧa qūqyq qorǧau organdary eskertu jasaǧan.
Būl – jedel järdem qyzmetkerlerınıŋ bırınşı narazylyǧy emes. Būǧan deiın Aqtöbe, Nūr-Sūltan, Aqtau qalasy jedel järdem qyzmetkerlerı de narazylyq bıldırıp, bilıkten pandemiia kezınde qosymşa üstemaqy talap etken.
30 nauryzda Qazaqstan bilıgı koronaviruspen küresuge atsalysqan därıgerler jalaqysyna qyzmetınıŋ qauıptılıgıne qarai 212 myŋ - 850 myŋ teŋge aralyǧynda üstemaqy qosylatynyn jariialaǧan.
centralasian.org
