Biz, Álemdik jáne dástúrli dinderdiń ókilderi, adamnyń tabıǵı bolmysyna, onyń ajyramas quqyqtary men qadir-qasıetine nyq senimmen beıbitshilik pen kelisimge, ózara qurmet pen yntymaqtastyq jáne adamzat baýyrlastyǵynyń ıdeıalaryna adaldyǵymyzdy taǵy da dáleldeımiz.
Biz adamzattyń ortaq ıgiligi jolynda Ekinshi dúnıejúzilik soǵysta qaza bolǵandardy eske alý jáne tatýlyq kúnine oraı, fashızm men naızmdi joıýdaǵy Jeńistiń 75 jyldyǵyn atap ótý jónindegi ıgi bastama úshin memleketter men qoǵamdarǵa zor rızashylyǵymyzdy bildiremiz.
Biz ár halyqtyń óziniń rýhanı qundylyqtary men murattaryna sáıkes, jer betindegi barlyq halyqtarmen amanshylyqta, beıbitshilikte, ózara qurmet pen úılesimde ómir súretin azamattyq qoǵam qalyptastyrý jónindegi memleketterdiń, sondaı-aq Birikken Ulttar Uıymynyń, basqa da múddeli halyqaralyq jáne aımaqtyq uıymdardyń keleshektegi álemdik tártipti qurý jónindegi syndarly kúsh-jigeri men qyzmetin qoldaıtynymyzdy jetkizemiz.
2019 jyldyń 4 aqpanynda Abý-Dabıde Uly Imam Ál-Azhar Ahmad Muhammed al-Taııb pen Rım Papasy Franısk qol qoıǵan «Búkil álemdegi beıbitshilik pen beıbit qatar ómir súrý úshin adamdar arasyndaǵy baýyrlastyq týraly qujattyń» negizgi qaǵıdalaryn, sonymen qatar 2019 jyldyń 27-29 mamyrynda Mekkede ótken halyqaralyq konferenııada ıslam ǵalymdary qabyldaǵan Mekke Deklaraııasyn qoldaı otyryp, jalpy adamzattyq qundylyqtar – yntymaq pen raqymshylyq tóńireginde adamdardy biriktirýge basa nazar aýdarý jáne qarýly qaqtyǵystardy toqtatý úshin álemniń túkpir-túkpirindegi atysty tez arada jahandyq turǵyda toqtatýǵa baǵyttalǵan aqylǵa qonymdy, dáıekti, bolashaqqa baǵyttalǵan is-áreketterdiń ýaqyty keldi dep sanaımyz.
Álem qoǵamdastyǵynyń COVID-19 pandemııasymen kúrestegi ortaq kúsh-jigeri men barlyq dinderdiń basty qaǵıdalary aıasynda Rım Papasy Franısktiń koronavırýs pandemııasy týraly «gýmanıtarlyq kómek baǵyttaryn qalyptastyrýǵa, dıplomatııa úshin ashyq bolýǵa jáne aýyr jaǵdaıda júrgenderge nazar aýdarýǵa» shaqyrýlaryna nıettestigimizdi bildiremiz.
Biz Jaratqanǵa shynaıy senim bildire otyryp, HHI ǵ. ekinshi onjyldyǵynyń sońynda barlyq halyqtar men memleketterdiń basyna túsken jamanshylyqtar men qaıǵylar keıingi urpaqqa sabaq bolýyna, senim, tártip, yntymaq, adamgershilik erejeleri men ádeptilikti ustanýǵa, mádenı, ulttyq, dinı jáne tildik aıyrmashylyqtarǵa qatysty shydamdylyq, túrli mádenıetter men elderdiń adamdary arasyndaǵy ózara túsinistik pen dostyq halyqaralyq beıbitshilik pen qaýipsizdikke tónetin qaýip-qaterlerdi jeńýge kómektese alatynyna duǵa etemiz.
Ekinshi dúnıejúzilik soǵystyń qurbandaryna taǵzym ete otyryp, búkil adamzatqa orny tolmas qaıǵy ákelgen bul soǵystyń zardaby barlyq memleket qaıratkerlerine jáne saıası kóshbasshylarǵa, bolashaq urpaqqa sabaq bolýy tıis ekenin málimdeımiz.
Bizdiń Álemdik jáne dástúrli dinder lıderleri Seziniń alańynda Nur-Sultan qalasynda on jeti jyl boıy kezdesýimiz dinı kóshbasshylar arasyndaǵy dıalog barsha adamzatqa ortaq qundylyqtardy tereń uǵynýǵa ári túsinýge úles qosa alatynyn dáleldedi.
Biz ártúrli órkenıetter, mádenıetter, dinder men senimder arasyndaǵy syndarly únqatysý men ózara túsinistikti dáıekti túrde qoldaýǵa jáne madaqtaýǵa ázirmiz.
Biz barlyq múddeli taraptardy beıbit jáne úılesimdi qatar ómir súrýge áreket etýdi jalǵastyrýǵa jáne ony nyǵaıtýǵa, jalpy adamı mindetter negizinde dinı jáne mádenı alýandyq pen qasıetti tabyný oryndaryn qurmetteýge, qoǵamdar men halyqtardyń jergilikti jáne halyqaralyq deńgeılerde úılesimdi qatar ómir súrýi úshin ulttyq, násildik jáne dinı óshpendilikti qozdyrýdy, kemsitýshilikke arandatýdy, dushpandyq jáne zorlyq-zombylyqty boldyrmaýǵa, álemde, ásirese dinder arasynda turaqtylyqty qoldaý jáne nyǵaıtý jónindegi kúsh-jigerdi biriktirýge shaqyramyz.
Soǵys pen qaqtyǵystar máńgilik artta qalsyn!
Jaratqan ıemiz barlyq elderde beıbitshilik, amandyqty násip etip, bizdiń rýhanı yntymaǵymyzǵa bereke bersin!
