Zorlyq kördım degen qostanailyq qyz TJ rejimın būzǧany üşın jazalandy

Qostanailyq Laura Sündet äleumettık jelılerde belgısız bıreudıŋ ony zorlamaq bolǧanyn, saldarynan ūryp-soqqanyn jazǧan bolatyn. "Osy ıs turaly aitqym keledı, sebebı maǧan moraldyq jäne fizikalyq zaqym körsetıldı. Bızdıŋ poliseiler menı kınälı etıp şyǧarǧanyn qalamaimyn", - deidı Laura. Poliseilerdıŋ mälımetınşe, būl oqiǧa 10 mamyrǧa qaraǧan tünı bolǧan. Sol künı 8 adam otyrys ūiymdastyrǧan. "Qazırgı uaqytta sot-medisinalyq saraptama taǧaiyndaldy. Saraptama nätijesı boiynşa densaulyqqa keltırılgen zaqym deŋgeiı anyqtalady. QR Qylmystyq kodeksınıŋ 121-baby boiynşa ("Seksualdyq sipattaǧy zorlyq-zombylyq äreketterı") sotqa deiıngı tergeu bastaldy. Zardap şekken qyzdyŋ özı de jauapkerşılıkke tartylady. Sondai-aq, otyrysta bolǧan barlyq adam tötenşe jaǧdai rejimın būzǧany üşın jauapkerşılıkke tartylady", - dedı poliseiler. Zardap şekken qyzdyŋ özı tötenşe jaǧdai rejimın būzǧanyn moiyndap otyr jäne ol jauapkerşılık tartatynyn aitady. Bıraq er adamnyŋ da jazalanǧanyn qalaitynyn aitady. Lauranyŋ advokaty Janar Şapagūlovanyŋ aituynşa, zardap şekken qyz Qytaida jūmys ısteidı. Karantin kezınde Qostanaiǧa kelgen. Laura aiyptap otyrǧan er adam bolsa qandai da bır pıkır bıldıruden bas tartyp otyr.