Koronavırýstan jazylǵan qazaqstandyqtardyń sany 2000-nan asty. Muny bas memlekettik sanıtarlyq dáriger Aıjan Esmaǵambetova onlaın-brıfıngte aıtty.
"Bizdiń qýanatyndaı jónimiz bar. Aıyqqan naýqastardyń sany kún sanap artyp keledi. Búginde aýrýdan aıyqqandardyń sany 2000-ǵa jetti. Jalpy, búgingi kúndi qosyp alǵanda, bul kórsetkish 2074 adamǵa jetti. Sońǵy birneshe kúnnen beri saýyqqan adamdar sany tirkelgen jaǵdaılardyń sanynan asyp jatqanyna nazar aýdarǵym keledi. Bul - biz úshin óte jaqsy kórsetkish, bul epıdemıologııalyq jaǵdaıdyń turaqtanǵanyn kórsetedi. Árıne, bul - karantındik sharalar men tótenshe jaǵdaıdyń nátıjesi, sonyń tıimdiliginiń dáleli", - dedi dedi Esmaǵambetova.
Bas sanıtardyń aıtýynsha, búgin koronavırýstan jazylǵan 115 adam aýrýhanadan shyǵarylady.
"Adyrna" ulttyq portaly