Zeinetaqy jinaǧyn üi alarda alǧaşqy jarna retınde paidalanuǧa bolady

BJZQ-daǧy qazaqstandyqtardyŋ zeinetaqy jinaqtaryn «5-10-20» jaŋa memlekettık tūrǧyn üi baǧdarlamasyna qatysuǧa alǧaşqy jarna retınde paidalanuǧa bolady. Būl turaly Tengrinews.kz-ke bergen sūhbatynda «Qazaqstannyŋ tūrǧyn üi qūrylys jinaq bankı» AQ basqarma töraǧasy Liazzat İbragimova aitty dep habarlaidy "Adyrna". "Prezidenttıŋ nūsqauy bar, qazır bız būl mäselenı Eŋbek jäne halyqty äleumettık qorǧau ministrlıgımen, sondai-aq BJZQ-men talqylap jatyrmyz. Ükımet jaqyn uaqytta anyqtaityn jetkılıktılık koeffisientımen «5-10-20» baǧdarlamasyna qatysu üşın alǧaşqy üles retınde ony paidalanuǧa rūqsat etıledı dep josparlanuda" dedı Läzzat İbragimova. Joba boiynşa nesienıŋ maksimaldy mölşerlemesı 5 paiyzdy qūraidy, alǧaşqy tölem - 10 paiyzdan bastap, nesie merzımı - 20 jylǧa deiın. Eske salsaq, 11 mamyrda Qazaqstan Prezidentı Qasym-Jomart Toqaev «5-10-20» baǧdarlamasymen nesielık baspana ūsynudyŋ jaŋa jobasyn ıske qosudy tapsyrǧan bolatyn. Memleket basşysynyŋ aituynşa, biyl elımızde rekordtyq qūrylys kölemı josparlanǧan, 15 million şarşy metr nemese 150 myŋ päter men üi.