Düniejüzılık bank koronaviruspen küres üşın Ortalyq Aziia elderıne 370 million dollarǧa juyq qarajat audardy. Onyŋ 27 mln dollaryn Qazaqstanǧa böldı dep habarlaidy BAQ.KZ.
Düniejüzılık bank COVID-19 pandemiiasyna qarsy qarajatty tez arada jūmyldyra bıldı. Ortalyq Aziia memleketterınıŋ ükımetterımen bırge bız densaulyq saqtau jüiesın nyǧaityp, COVID-19 auruynyŋ ekonomikalyq yqpalyn azaitu maqsatynda qosymşa qarajat bölu üşın 9,7 mlrd AQŞ dollaryn qūraityn aimaqtaǧy investisiialyq portfelımızdı qaita qarap jatyrmyz, - dedı Düniejüzılık banktıŋ Ortalyq Aziiadaǧy aimaqtyq direktory Liliia Burunchuk onlain brifingte.
Onyŋ aituynşa, būl qarajat medisinalyq jabdyqtardy, iaǧni testıleu jiyntyqtaryn, laborotoriialyq reagentterdı, reanimasiia bölımşelerıne arnalǧan jeke qūraldardy, medisinalyq qyzmetkerlerge arnalǧan jeke qorǧanys qūraldaryn satyp aluǧa jūmsalady.
Sonymen bırge Ortalyq Aziianyŋ jekelegen elderınıŋ basymdyǧyna qarai qarajat ükımetterge halyqtyŋ älsız toptaryn äleumettık tūrǧyda qorǧaudy qamtamasyz etetın baǧdarlamalardy keŋeituge, qaşyqtyqtan bılım beru jüiesın retke keltıruge jäne pandemiia saldaryn azaitu aiasynda basqa mäselelerdı şeşuge jol aşady.
Älemdık ekonomika COVID-19 pandemiiasyna bailanysty daǧdarysty bastan ötkerıp otyr. Bız Ekınşı düniejüzılık soǧystan bergı eŋ auyr ekonomikalyq daǧdarystyŋ aldynda tūrmyz. COVID-19 saldaryn tömendetu üşın aimaqtaǧy memleketter jedel äreket etıp, daǧdarystan şyǧu prosesın josparlaudy bastap, ekonomikalyq ösımdı qalpyna keltıru boiynşa naqty şaralar men qūrylymdyq reformalardy aiqyndauy kerek, - deidı Düniejüzılık banktıŋ Ortalyq Aziiadaǧy jetekşı ekonomisı İvailo İzvorski.
2020 jyldyŋ 14 mamyryndaǧy jaǧdai boiynşa Düniejüzılık banktıŋ Ortalyq Aziiadaǧy COVID-19 äserın azaituǧa baǧyttalǧan şaralar paketı bekıtıldı. Qazaqstanǧa aimaqtarda ındet jūqtyrǧan nauqastardy emdeu üşın ökpenı jasandy jeldetetın 236 apparat satyp aluǧa 10 mln doll. bölındı. Būǧan qosa ökpenı jasandy jeldetetın 123 apparat pen özge de medisinalyq jabdyqty satyp aluǧa 17 mln dollar audaryldy.
Bank densaulyq saqtau jüiesın jaqsartuǧa Täjıkstanǧa 11,3 mln dollar, al Qyrǧyz Respublikasyna 21 mln dollar audarsa, Özbekstanǧa 95 mln dollar audardy. Sondai-aq Düniejüzılık bank salyq tüsımderınıŋ edäuır qysqaryp, ükımettıŋ pandemiianyŋ äleumettık-ekonomikalyq saldaryn jūmsartu baǧdarlamasy aiasynda şyǧystardyŋ kütpegen jerden ūlǧaiuy jaǧdaiyn eskere otyryp, biudjettı qosymşa qarjylandyru üşın taǧy 200 mln dollar böldı. Sonymen qatar, Özbekstandaǧy şūǧyl medisinalyq kömek jüiesın jetıldıru jobasy aiasynda 17 mln dollar audardy.
Ortalyq Aziia elderıne ındettıŋ jaǧymsyz ekonomikalyq saldaryn azaituǧa kömektesu üşın Düniejüzılık bank aimaqtyŋ ükımetterımen bırlesıp, jaǧdaidy baǧalai otyryp, resurstardy qaita bölu jäne qaita ūiymdastyru maqsatynda jobalardyŋ bärın zertteidı. Düniejüzılık bank ūlttyq ekonomikalardy qalpyna keltıru üşın qosymşa qarajatty jūmyldyrudy josparlap otyr. Onyŋ kömegı halyqtyŋ tabysyn qoldauǧa, mal şaruaşylyǧy men auyl şaruaşylyǧyn damytuǧa, äleumettık qorǧau qyzmetterın körsetuge, sifrlyq ekonomikany damytuǧa, aqparattyq derekterdı basqaruǧa baǧyttalady.
