Almaty qalasy TJD ökılı 14 mamyrda aitylǧan eskertuden keiın qalanyŋ barlyq apat-qūtqaru qyzmetı joǧary daiyndyqqa keltırılgenın habarlady. Jiı su basatyn uchaskelerge aldyn ala adamdar men tehnika jıberıldı.
«Üş uchaskede būl şaralar özın aqtady. Kelıp tüsuıne qalǧan ötınımder jedel pysyqtaldy. Aulasyna su kırıp ülgergen 15 jeke tūrǧyn üi su basudan aman qaldy. Tört jaǧdaida su jolǧa şyǧyp, ekeuınde - köppäterlı üilerdıŋ jertölesıne qūiyldy», - dep tüsındırdı vedomstvo ökılı.
Sondai-aq, Nauryzbai audany Äşımov köşesı, 89-üide aryq jüiesı tolyp, su jeke tūrǧyn üi aumaǧyna kırgen.
«Saǧat 12.00-ge deiın jerge 30 dana qap töselıp, apattyŋ aldy alyndy, oǧan 5 dana tehnika men 15 adam jūmyldy», - dep atap öttı TJD.
Sondai-aq, 19 aǧaş qūlap, onyŋ 8-ı avtokölıkterge, 11-ı jolǧa tüsken.
Su basudy joiuǧa özara ıs-qimyl qyzmetınıŋ 131 qyzmetkerı, 39 dana tehnika, 9 motopompa jūmyldy. Qaza bolǧandar men zardap şekkender joq.
Barlyǧy 840 tekşe metr su sorylyp, 260 qap töseldı. Jūmys älı de jalǧasyp jatyr.
https://youtu.be/1tE2N83c-D4
