Tanymal jurnalist Beisen Qūranbek ömırden ozdy

Belgılı jurnalist Beisen Qūranbek 49 jasqa qaraǧan şaǧynda dünieden öttı, dep habarlaidy QazAqparat. Qaraly qazany Almaty oblysy äkımınıŋ baspasöz hatşysy Ǧalymūrat Jükel ärıptesterıne jetkızdı. Beisen Qūranbek 1971 jyldyŋ 9 jeltoqsanynda Almaty oblysy Kerbūlaq audany Qyzyljar auylynda düniege kelgen. Ä l-Farabi atyndaǧy Qazaq ūlttyq universitetın bıtırgen. Eŋbek jolyn respublikalyq «Sport» gazetınde tılşı, jauapty hatşy qyzmetınen bastaǧan. Al qalǧan ǧūmyryn qazaq televideniesımen bailanystyryp, «Rahat», «31 arna», «Habar» arnalarynda, Prezident teleradiokeşenınde qyzmet atqarǧan. 2007-2012 jyldary Almaty oblystyq «Jetısu» telearnasynyŋ bas direktory boldy. 2013-17 jyldary «Qazaqstan» telearnasyndaǧy jalpaq jūrtqa tanymal «Aituǧa oŋai» äleumettık-tūrmystyq tok-şouynyŋ jürgızuşısı boldy. 2017 jyldyŋ qyrküiek aiynan berı ūlttyq arnadaǧy «Qareket» baǧdarlamasyn jürgızdı. 2014 jyldyŋ qazan aiynda Almaty oblystyq «Jetısu» telearnasynyŋ bas direktory bolyp qaita taǧaiyndaldy. Beisen Qūranbektıŋ jarqyn beinesı ärıptesterınıŋ jüregınde mäŋgı saqtalady.