"QazMunaıGaz" kompanııasy 5 mıllıard teńge únemdeıdi

1751

"QazMunaıGaz" kompanııasy basqarýshylarynyń jalaqysy 30 proentke al ózge basshylardiki - 20 prentke azaımaqshy.

Adam resýrstaryn basqarý jónindegi basqarýshy dırektor Dáýletjan Hasanovtyń aıtýynsha, koronavırýs pandemııasy munaı naryǵyna qatty áser etken. Shıkizatqa degen suranys kúrt tómendegen. Sonyń saldarynan "QazMunaıGaz" kompanııasynyń qarjylyq jaǵdaıy qıyndap ketken. Kopanııada 12 mamyrda qyzmettik eńbekaqylardyń jańa júıesi bekitilgen.

"Ortalyq apparat qyzmetkerleriniń sanyn 34 proentke, 729 birlikten 480 birlikke deıin azaıtýǵa sheshim qabyldandy. Basqarýshy dırektorlardyń sany qysqartyldy. Osylaısha, jalpy shtattyń 249 birligi taratyldy. Olardyń 10 proenti enshiles kompanııalarǵa aýystyrylady. Qalǵan 90 proenti QazMunaıGaz júıesinen ketedi. Basqarýshy qyzmetkerlerdiń jalaqysy 30 proentke, al orta toptaǵy basqarýshylardyń eńbekaqysy 20 proentke tómendeıdi. Qalǵan qyzmetkerdiń eńbekaqysy ózgermeıdi. Basqarýshy apparattyń bonýstary men syıaqylary da azaıady. Osylaısha bıyl kompanııa basshylarynyń tabysy 50 proentke tómendeıdi" - dedi onlaın brıfıngte Dáýletjan Hasenov.

Sondaı-aq ol bıyl jumystan ketken qyzmetkerlerge ótemaqy tólenetinin sol sebepti kóp aqsha únemdelmeıtinin aıtty. Al kelesi jyly ońtaılandyrý sharalarynyń nátıjesinde shamamen 5 mıllıard teńge únemdeledi degen josparyn ortaǵa saldy.

"Adyrna" ulttyq portaly

 

Pikirler
Redakııa tańdaýy