Memleket basshysy usynǵan "15-10-20" baǵdarlamasy boıynsha úı alýda otbasylyq tabys kólemi men kúnkóris sheginiń sanaty zor mańyzǵa ıe ekeni aıtyldy.
Otbasynyń ár múshesine shaqqanda aı saıynǵy tabystyń mólsheri 3 kúnkóris sheginen aspasa, onda olar "5-10-20" baǵdarlamasyna qatysýǵa múmkindik alady. Indýstrııa jáne ınfraqurylymdyq damý mınıstri Beıbit Atamqulov osyndaı dep málimdedi.
Eger otbasynyń ár múshesine sanaǵanda aı saıynǵy tabys 1 kúnkóris shegi nemese 31,2 myń teńgeden aspasa, onda arendalyq páter usynylady eken. Iaǵnı, baspana azamattar sanaty boıynsha emes, ár otbasy múshesine shaqqandaǵy tabysqa baılanysty.
Otbasynyń árbir múshesine shaqqanda kiris 2 kúnkóris shegi nemese 62,4 myń teńgeni qurasa, "Baqytty otbasy" baǵdarlamasy boıynsha jyldyq 2%-pen ıpoteka beriledi. Iaǵnı, mundaı azamattar "2-10-20" baǵdarlamasyna qatysa alady.
Ár otbasy múshesine shaqqanda aı saıynǵy tabys 3 kúnkóris shegin, 96 myń 700 teńgeni qurasa, baspana jańa "5-10-20" baǵdarlamasy boıynsha usynylady.
Al kirisi ár otbasy múshesine sanaǵanda úsh jáne odan joǵary kúnkóris sheginen assa, onda ekinshi deńgeıli bankter arqyly "7-20-25" baǵdarlamasyna qatysyp, baspanaly bolýǵa múmkindik bar.
"Adyrna" ulttyq portaly
