Azamattardy jūmyspen qamtuǧa baǧyttalǧan memlekettık baǧdarlamalardy belsendı ıske asyrudyŋ arqasynda mamyr aiynyŋ basynan bastap «Eŋbek» memlekettık baǧdarlamasy aiasynda 28,5 myŋ qazaqstandyq jūmysqa ornalastyryldy. Al, «Jūmyspen qamtudyŋ jol kartasy» baǧdarlamasy boiynşa 14,8 myŋ adam jūmyspen qamtyldy.
«Eŋbek resurstaryn damytu ortalyǧy» AQ mamandarynyŋ aituynşa, koronovirus pandemiiasy saldarynan 16 nauryzdan bastap, säuır aiynyŋ soŋyna deiın engızılgen karantin kezeŋınde Elektrondyq eŋbek birjasynda bos jūmys oryndarynyŋ sany 3 esege azaiǧan (2020 jyldyŋ aldyŋǧy ailarymen salystyrǧanda).
Bırınşı kezekte jūmys oryndarynyŋ tömendeuı qyzmet körsetu sektorynda, sauda, kölık jäne önerkäsıp salalarynda tırkeldı. Alaida, karantindık şaralar jeŋıldetılgennen keiın eŋbek naryǧynyŋ jandanyp, mamyr aiynyŋ basynan bastap ekonomikanyŋ barlyq salalarynda jūmys beruşıler tarapynan sūranys deŋgeiınıŋ bırtındep qalpyna keluı baiqaluda.
Mamandar eŋbek naryǧynyŋ jandanuyna «Jūmyspen qamtudyŋ jol kartasy» jäne «Eŋbek» memlekettık baǧdarlamalary erekşe röl atqaryp otyrǧanydyǧyn atap öttı.
«Daǧdarysqa qarsy şaralar elımızdıŋ barlyq aimaqtarynda öz äserın berude. Aǧymdaǧy jyldyŋ säuır aiynan bastap jäne 19 mamyrdaǧy jaǧdai boiynşa Jūmyspen qamtu jol kartasy aiasynda 44,7 myŋ jūmys orny qūrylyp, olarǧa jūmyspen qamtu ortalyqtary arqyly şamamen 14,8 myŋ adam jūmysqa ornalastyryldy. «Eŋbek» baǧdarlamasy aiasynda aǧymdaǧy jyldyŋ 4 aiynda 128,5 myŋ adam qamtyldy, onyŋ ışınde 118,3 myŋ adam uaqytşa jäne tūraqty jūmysqa ornalastyryldy, 676 adam oquǧa jıberıldı, 1,4 myŋ adam şaǧyn nesie aldy. Al, 1-19 mamyr aralyǧynda ǧana «Eŋbek» baǧdarlamasyna 30,3 myŋ adam qatysyp. onyŋ 28,5 myŋy jūmyspen qamtylǧan», - deidı «Eŋbek resurstaryn damytu ortalyǧy» AQ departamentınıŋ direktory Jūldyz Pernebaeva.
Bos jūmys oryndaryn ornalastyru boiynşa Aqmola, Qaraǧandy, Qostanai, Pavlodar, Almaty, Maŋǧystau, Şyǧys Qazaqstan oblystarynyŋ jäne Nūr-sūltan qalalarynyŋ jūmys beruşılerı belsendılık tanytuda.
Qūrylysşy-montajşylar, qūrylysşy-ärleuşıler, syrlauşylar, densaulyq saqtau salasyndaǧy käsıbi mamandar, orta medisinalyq jäne farmasevtikalyq qyzmetkerler, metall öŋdeu, jabdyqtarǧa qyzmet körsetu jūmysşylar, jürgızuşıler men operatorlar mamandyqtary boiynşa bos jūmys oryndarynyŋ sany ösken.
"Adyrna" ūlttyq portaly
