Ramzan Qadyrov koronavırýs juqtyrǵan

1930

Sheshenstan basshysy Ramzan Qadyrov koronavırýs juqtyrǵan degen kúdikpen aýrýhanaǵa tústi. Ony ushaqpen Máskeýdegi klınıkalardyń birine jetkizgen. Bul týraly Baza jáne "Interfaks" habarlady. Aqparatty resmı mekemeler áli rastaǵan joq, dep jazady centralasian.org.

"Interfaks" Máskeýdegi medıınalyq mekelerdegi derekkózge silteme jasaǵan. "Qadyrov koronavırýs juqtyrýy múmkin, ony dárigerler qarap júr" dep jazdy agenttik.

"Baza" málimeti boıynsha, Qadyrovtyń ókpesi zaqymdanǵan. Ol tumaýratyp qalǵanyn aıtqan, biraq sońǵy kúnderi jaǵdaıy kúrt nasharlaǵan.

Sheshenstanda koronavırýs epıdemııasyna baılanysty qatań karantın jarııalanǵan. Respýblıkada komendant saǵaty engizilgen, qoǵamdyq kólik toqtaǵan, Reseıdiń basqa da oblystarynyń turǵyndaryna respýblıka aýmaǵyna kirýge tyıym salynǵan. Koronavırýspen kúres jónindegi shuǵyl shtabtyń habarlaýynsha, Sheshenstanda bir myńnan astam adam vırýstyń jańa túrin juqtyrǵan.

Bunyń aldynda Qadyrov Gýdermestegi aýrýhana qyzmetkerlerin jumystan shyǵarýdy talap etti, óıtkeni dárigerler koronavırýs juqtyrǵan naýqastardy emdeý úshin qorǵanys zattary jetpeı jatqanyna shaǵymdanǵan. "Bizde barlyǵy bar. Tipti, biz basqa aımaqtarǵa kómektese alamyz", - dep málimdegen Sheshenstan basshysy.

Pikirler