Alǧys hat Qazaqstannyŋ Şekara qyzmetıne Qyrǧyz Respublikasynyŋ elşılıgınen joldanǧan.
Qyrǧyz Respublikasynyŋ Tötenşe jäne Ökılettı Elşısı elşılıktıŋ atynan jäne öz atynan qazaqstandyq şekaraşylarǧa alǧysyn bıldırgen hat joldady.
Ūlttyq qauıpsızdık komitetınıŋ Aqtöbe oblysy boiynşa departamentı Qyrǧyz Respublikasynyŋ 541 azamatyn evakuasiialau jäne otanyna oralu mäselelerın şeşude järdem men kömek körsettı.
Pandemiiaǧa bailanysty bauyrlas halyqtyŋ azamattary 16 nauryzdan bastap Resei Federasiiasynyŋ Orynbor oblysy, Sol-İlesk qalasynda öz üilerıne jäne otbasylaryna orala almady. Bügın olar öz otandaryna aman-esen jettı.
Şekaraşylar mūny erlık dep sanamai, Otanymyzdyŋ şekarasyn qorǧaudy jalǧastyruda jäne qiyn jaǧdaiǧa tap bolǧan barlyq adamdarǧa kömek qolyn sozuǧa daiyn.
Özınıŋ hatynda J.Qūlubaev Qazaqstannyŋ şekaraşylaryna käsıbi qyzmetterınde tabystar tıledı.
*****
Şekaraşylar ızdeude jürgen küdıktını ūstady
2020 jylǧy 18 mamyrda Ūlttyq qauıpsızdık komitetınıŋ Jambyl oblysy boiynşa departamentınıŋ şekara otriady qazaq-qyrǧyz şekarasy uchaskesınde adam ızderın anyqtady. Jedel-ızdestıru ıs-şaralaryn jürgızu barysynda azamat K ūstaldy.
Tergeu barysynda auyr qylmys jasaǧany üşın ızdeude jürgen azamattyŋ jeke basy anyqtaldy.
Ūstalǧan azamat qosymşa tergeu üşın ışkı ıster organdaryna tapsyryldy.
QR Ūlttyq qauıpsızdık komitetınıŋ baspasöz qyzmetı
