QR Prezidentı janyndaǧy Qazaqstannyŋ strategiialyq zertteuler institutynyŋ bölım basşysy Alua Joldybalina Memleket basşysy qol qoiǧan «Saiasi partiialar turaly» QR-nyŋ Zaŋyna özgerıs pen tolyqtyrular engızu turaly» QR Zaŋyna qatysty pıkır bıldırdı, dep habarlaidy QazAqparat tılşısı. «Memleket basşysy Qasym-Jomart Toqaevtyŋ 2019 jyldyŋ 20 jeltoqsanynda aitqan reformalary 2020 jyly belsendı jüzege asyryla bastady jäne soǧan sai jedel ärı sapaly zaŋ jobalaryn äzırleu talap etıldı. Ekonomikalyq, äleumettık jäne saiasi salalardaǧy reformalar halyqtyŋ keŋ auqymynyŋ sūranystary men müddesın körsetıp otyr. Osy oraida äleumettık jäne saiasi aspektıler baǧytyndaǧy reformalar memlekettık saiasatty yryqtandyru prosesın sapaly tolyqtyra tüsude», -dedı ol.
Onyŋ atap ötuınşe, demokratiialyq qoǧamdy damytu eŋ aldymen pıkır aşyqtyǧy men aluandyǧyn közdeidı. Būl rette qazaqstandyq qoǧamda azamattyq qoǧamdyq damytu üşın barlyq jaǧdai jasalǧan. Oǧan ükımettık emes ūiymdardyŋ, täuelsız būqaralyq aqparat qūraldarynyŋ köptıgı dälel bola alady.
«Osylaişa, bızdıŋ qoǧam el Parlamentınde boluy tiıstı quatty ärı bedeldı saiasi azşylyqty tabiǧi jolmen qūru kezeŋıne bırtındep kele jatyr. Qazırgı uaqytta saiasi partiialar men saiasi qyzmettıŋ özı bükıl älemde tübegeilı özgerıske ūşyrau üstınde. Soŋǧy jyldary saiasi koniunkturanyŋ jäne qoǧamdyq damu trendterınıŋ aqparattyq-kommunikasiialyq keŋıstık aiasynda özgerıske ūşyrauy partiialyq qūrylym formatyn özgertu, onyŋ ışınde ideologiialyq platformany jaŋǧyrtu, partiianyŋ elektorattarmen özara ıs-qimyl formatyn özgertu, qarjylandyrudyŋ özge közderın ızdeu qajettılıgıne bailanysty bola tüstı», - dedı sarapşy.Bölım basşysynyŋ atap ötuınşe, bügınde Qazaqsandaǧy ärbır saiasi partiia jaqtastary qataryn arttyru baǧytynda jūmysty küşeite tüsude. Al būl rette saiasi partiialardyŋ memlekettık tırkeuden ötuı üşın şektı deŋgeidı 20 myŋ müşege deiın tömendetuı saiasi partiialardyŋ resurstyq bazasyn keŋeite tüsedı, saiasi partiialardyŋ qalyptasuyna jaǧdai jasaidy. Mūnan bölek, qoǧamdaǧy azamattyq belsendılıktı arttyra tüsedı.
"QazAqparat".
