Elımızde 31 mamyr - Saiasi quǧyn-sürgın qūrbandaryn eske alu künı dep atalady. Şynynda da keşegı keŋestık tolitarlyq jüie kezınde eŋ köp zardap şeken el - Qazaqstan, halyq - qazaq halqy. 1997 jyly Tūŋǧyş Prezidentımız Nūrsūltan Nazarbaevtyŋ şeşımımen osy kün Saiasi quǧyn-sürgın qūrbandaryn eske alu künı retınde jariialanǧany mälım. Täuelsız zamandaǧy tarih betterınde öte maŋyzdy oryn alyp otyrǧan mäsele - sol kezeŋde zobalaŋǧa, quǧyn-sürgınge ūşyraǧan adamdardyŋ atyn jaŋǧyrtu, tarihyn zertteu. Bügınde köptegen tarihşylar däl osy mäselemen ainalysuda.
Prezidentımız Qasym-Jomart Toqaevtyŋ ündeuınde aitylǧandai, 5 millionǧa juyq adam qazaq jerıne erıksız jer audaryldy. Qazaqstannyŋ özınde 100 myŋ adam tūtqynǧa alynyp, onyŋ 20 myŋy atylyp kettı. Şyn mänısınde, mūny tolyq anyqtaityn derekter boluǧa tiıs. Osy oraida, tarihi betındegı osynau olqylyqtyŋ ornyn toltyruymyz qajet.
Ärine, 1937-1938 jyldardaǧy oqiǧa qazaq ziialylaryna auyr tidı. Ūltymyzdyŋ bas köterer azamattary jalǧan jalamen solaqai saiasattyŋ qūrbany boldy. Halqymyz daryndy, bılımdı tūlǧalarynan aiyryldy. Aljir Karlagtyŋ 26-şy nüktesı bolǧan. Mūnda körnekı ǧalym jäne ziialy qauym ökılderınıŋ äielderı men balalary boldy. Aljir turaly jazylǧan kıtaptar, tarihi derekter bar bolǧanymen, būl baǧyt älı de tereŋ zertteudı qajet etedı. Būl rette, Prezidenttıŋ saiasi quǧyn-sürgın qūrbandaryn aqtau üşın arnaiy memlekettık komissiia qūru bastamasy öte dūrys şeşım dep esepteimın.
Barşagül İSABEK, OQMPU-dyŋ bırınşı prorektory, tarih ǧylymdarynyŋ kandidaty, dosent
