«QazaqGeography» respublikalyq qoǧamdyq bırlestıgı «Menıŋ Qazaqstanym» atty jyl saiyn ötkızıletın fotobaiqaudy jariialady.
Baiqau Qazaqstannyŋ ekologiiasyna arnalǧan jäne qoǧamnyŋ nazaryn bızdıŋ ūlan-baitaq elımızdıŋ tabiǧatyna audaru jäne ony saqtau qajettılıgı, tuǧan elge degen süiıspenşılıktı tärbieleu jäne tabiǧi bailyqqa ūqypty, jauapty qarym-qatynasty qalyptastyru maqsatynda ötkızıledı. Baiqauǧa qatysuşylar öz jūmystarynda taza tabiǧatty da, ekologiialyq qauıp-qaterden köz jūmǧan tabiǧatty körsete alady. Mındettı şart - barlyq suretter Qazaqstanda jasaluy tiıs.
Baiqau barlyq jastaǧy äuesqoi jäne käsıbi fotograftar üşın aşyq. Är qatysuşy Qazaqstannyŋ florasy men faunasy, tabiǧaty, ekologiiasy men qorşaǧan ortasy sekıldı üş sanat boiynşa 10 fotosuretke deiın ūsyna alady.
«Bız zamanaui, kreativtı jäne rezonanstyq, kürdelı, erekşe jäne ädemı jūmystardy yntalandyramyz. Alaida, qorşaǧan ortaǧa qamqorlyq jasaudy bastauǧa jäne adamzattyŋ tabiǧat aldyndaǧy jauapkerşılıgın arttyruǧa şabyttandyratyn beinelerdı baǧalaimyz», - deidı ūiymdastyruşylar.
Fotosuretter 30 tamyzyna deiın qabyldanady.
Eŋ üzdık jümystar «Ekologiia jäne jasyl ösım salasyndaǧy yntymaqtastyq» taqyrybynda Kökşetau qalasynda ötetın Qazaqstan men Reseidıŋ öŋıraralyq yntymaqtastyǧynyŋ halyqaralyq forumy aiasynda qoiylady. Baiqau jeŋımpazdary bızdıŋ sait pen äleumettık jelıde jariialanady.
Fotobaiqauǧa qatysu üşın qazaqgeography.kz saitynda tırkelıp, qoǧamnyŋ müşesı bolu qajet.
Aita kterlıgı, QazaqGeography geografiia, klimat; qorşaǧan orta, tabiǧat resurstary; bioaluantürlılık; turizm, saiahat, ölketanu; tarihi-mädeni mūra, etnografiia sekıldı bes baǧytta jūmys ısteidı.
QazAqparat
