"Taǧy da vaksinasiia turaly şyndyqty estulerıŋızdı sūraimyn.
Adamdy vaksinasiialau - jeke profilaktikalyq medisinalyq qyzmet, ol qoldanystaǧy Kodeks jäne jaŋa Kodeks jobasy boiynşa kez kelgen azamatqa tek onyŋ nemese zaŋdy ökılınıŋ (balanyŋ ata-anasynyŋ) kelısımı boiynşa jürgızıledı.
Kez kelgen adam (ata-ana) bas tartuǧa qūqyly. Vaksinasiia mäjbürlı emes", - dep jazdy Bırtanov.
"Sondyqtan būl mındettı memlekettık densaulyq saqtau şarasy. Vaksinasiia mındettelmese, perzenthana men emhanalardaǧy därıgerlerınıŋ oryndauy üşın de mındettı bolmaidy. Bızge būl vaksinalardy satyp alu mındettı emes bolady. Jylyna tört millionnan astam säbi keiın memleket esebınen poliomielit, tuberkulez, sırespe, qyzylşa, gepatit, pnevmoniia jäne basqa da infeksiialarǧa qarsy egılmeidı", - dep tüiındedı ministr.
Mūnyŋ aldynda Eljan Bırtanov Densaulyq saqtau turaly jobanyŋ qabyldanǧanyn aityp, balalardy vaksinasiialau jaily normaǧa qatysty pıkır bıldırgen bolatyn.
Ministrdıŋ aituynşa, elde vaksinasiia mäjbürlı türde bolmaidy.
"Qazaqstanda vaksinasiia mäjbürlı türde bolmaidy! Bükıl älemdegıdei bızde de erıktı türde jasatuǧa bolatyn jäne mındettı vaksinasiialar bolady. Bıraq är jaǧdaida ata-ana özı şeşedı, odan kelısım alynady ne bolmasa bas tartatynyn aitady! Vaksinasiia jasalmaǧan balalardyŋ qūqyǧyna şekteu qoiatyn eşqandai norma joq! Tek bır norma bar, ol ūjymdyq immunitet, iaǧni balabaqşaǧa baratyn barlyq balanyŋ densaulyǧyn qorǧaityn immunitet", - dedı ministr.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz