Şoumender näpaqasyz qalǧanyn aityp şaǧymdanuda

Otandyq şoumender Qazaqstan Prezidentıne jūmys ısteuge rūqsat beru turaly aşyq hat joldady. Tötenşe jaǧdai bolǧandyqtan, olar alǧaşqylardyŋ bırı bolyp öz qyzmetın toqtatty, endı olar basty tabys  közderınen aiyrylyp otyr, dep habarlaidy «Adyrna» ūlttyq portaly zakon.kz-ke sılteme jasap. Elde karantin rejimı jūmsartylǧanymen ärtıster men jürgızuşıler qaşan jūmysqa şyǧatynyn bılmeidı. Almatynyŋ ortalyǧyndaǧy keŋselerdıŋ ailyq tölemı 250 myŋ teŋge. Al şoumen Ruslan Ysqaqovtyŋ jūmysy jürmegendıkten oǧan töleitın aqşasy joq. “Qazır eşqandai kırıs tauyp otyrǧan joqpyz. Mūndai boluy mümkın dep eşqaşan oilamaǧan edık. Bız būǧan deiın aiyna 10-15 million teŋgege deiın aqşa tauyp keldık. Būl qazan-qaraşadan nauryz aiyna deiıngı mausymdaǧy tabysymyz. Roza Rymbaevadan bastap, «MuzART»-qa deiın barlyǧy tek toidan paida tabady”, - deidı şoumen Ruslan Ysqaqov. Ol 10 myŋ dollarǧa deiın syiaqy alyp jürgen tek asabalar men änşıler ǧana emes, sonymen qatar bi toptary, fotograftar, ssenarister de näpaqasyn tauyp kelıp, qazırgı taŋda barlyǧy jūmyssyz otyrǧanyn aitty. “Tek Almatynyŋ özınde 300-ge juyq ırı ortalyq bar.  Är komandanyŋ jetı müşesı taǧy bar. Demek ıs-şaraǧa qatysatyn tehnikter, dekoratorlar, dizainerler sekıldı 40-50 myŋ adam jūmyssyz otyr” - dep jalǧastyrady Ruslan. Şoumenderdı olardyŋ qyzmetıne dūrys män berılmeitını qynjyltady. Äigılı asaba Kirill Meister 10 jyl boiy türlı merekelık ıs-şaralardy jürgızıp keldı. Meiramhanalar aşylyp, jūmysy bastalsa, qataŋ sanitarlyq normalardy saqtauǧa daiyn ekenın moiyndady. Eŋ bastysy - jūmys ısteuge rūqsat berse eken deidı. “Bız, jürgızuşıler, betperdede jūmys ısteuge, qajet bolǧan jaǧdaida qolǧapty da paidalanuǧa, är qonaqtyŋ sözınen keiın mikrofonǧa antiseptik şaşuǧa daiynbyz. Bızge tek jūmys ısteuge mümkındık beruın qalaimyz”, - dep sūraidy jürgızuşı Kirill Meister. Euraziialyq ıs-şaralar qauymdastyǧy basqarmasynyŋ müşesı Timur Balbaevtyŋ aituynşa, ıs-şaralardy ūiymdastyrumen bailanysty 350 myŋnan astam resmi tırkelgen kompaniia men million juyq adam bar. Qazır olardyŋ bärı jūmyssyz qaldy. Oiyn-sauyq biznesınıŋ qyzmetkerlerı bazarlar men sauda ortalyqtary aşylyp, şaǧyn şaralardy ötkızuge rūqsat etıledı dep kütken edı. Alaida, meiramhanalardyŋ aşyluy epidemiologiialyq jaǧdai jetı kün ışınde tūraqtalsa ǧana mümkın bolmaq. «Meiramhanalar men kafeler jabyq keŋıstık bolyp sanalady. Al jeldetu barlyq jerde bırdei jūmys ıstei bermeidı. Sondyqtan, bız jabyq jerlerde adamdar jinaluyna tyiym salamyz», - deidı Almaty qalasy boiynşa tauarlar men qyzmetterdıŋ sapasy men qauıpsızdıgı bölımınıŋ bastyǧy Elmira Omarova. Epidemiologiialyq jaǧdaidy boljau öte qiyn deidı därıgerler. Sol sebeptı ıs-şaralar qai uaqytta jūmysyn bastaityny äzırge belgısız.