Dúnıejúzilik densaýlyq saqtaý uıymy juma kúni betperdege qatysty sheshimdi jańartty.Uıym úkimetterge qoǵamdyq oryndarda betperdeni mindetti túrde taǵýǵa keńes berdi.
Pandemııa bastalǵan kezde DDU tek koronavırýspen aýyratyn naýqastarǵa jáne onyń belgileri anyqtalǵan adamdarǵa ǵana betperde taǵýdy talap etken bolatyn. Alaıda, sońǵy zertteýler betperdeni durys qoldanǵan kezde ınfekııadan tıimdi qorǵanýǵa bolatynyn kórsetti. Qazirgi tańda koronavırýs alǵashqy belgilersiz adam aǵzasyna taralyp jatyr. Sonymen qatar , uıym adamdardy barlyq saqtyq sharalaryn ustanýǵa shaqyrdy .
"Tek betperdeler ǵana sizdi COVID -19-dan qorǵamaıdy" ,- dedi DDU basshysy Tedros Adan Gebreısýs .
Djons Hopkıns ýnıversıtetiniń málimeti boıynsha, pandemııa bastalǵaly beri álemde 6,6 mıllıonnan astam adam koronavırýspen aýyryp, 400 myńǵa jýyq adam qaıtys boldy. Al QR Densaýlyq saqtaý mınıstrliginiń málimeti boıynsha, koronavırýstyq ınfekııanyń 12 511 jaǵdaıy tirkelip, odan 6 903 adam saýyqqan. Elimiz boıynsha pandemııadan 52 naýqas qaıtys boldy.
"Adyrna" ulttyq portaly
