Memleket basşysy Qasym-Jomart Toqaevtyŋ baspasöz hatşysy koronavirus jūqtyrdy. Būl turaly Berık Uäli Facebook jelısınde jazdy.
"Ardaqty aǧaiyn!
Ökınışke qarai, bügın asa bır jaisyz jaŋalyqty jariialaiyn dep otyrmyn. Älemdı ainalyp, elımızdı şarlap ketken koronavirus ındetı menen de tabyldy. Keşe tapsyrǧan test qorytyndysy oŋ nätije berdı. Qazır auruhanada, därıgerlerdıŋ qarauynda jatyrmyn. Jaǧdaiym bır qalypty. Asa alaŋdaityndai emes. Em qabyldaudamyn.
Basyn aşyp aitatyn mäsele, Prezident belgılengen kestege säikes jūmys ıstep jatyr. Memleket basşysynyŋ densaulyǧyna eşqandai qauıp tönıp tūrǧan joq. Qasym-Jomart Kemelūly ünemı test tapsyryp, qorytyndysyn alyp otyr. Aqordada sanitarlyq rejim küşeitılıp, qauıpsızdık şaralary qataitylǧan.
Osy ındet bastalǧaly barlyǧymyz dabyl qaǧyp, saqtanuǧa, derttı jūqtyrmaudyŋ joldaryn qarastyruǧa şaqyryp kelemız. Bıraq pandemiiaǧa senbeitın, aurudy joq deuşıler azaimai tūr. Ondaida "Auyrǧan adamdy körsetıŋderşı", "Menıŋ tanysymnyŋ bırde-bırı auyrǧan joq. Sonda onymen kım auyryp jatyr?", "Auyrǧan adamdardyŋ attaryn nege atamaidy?" degen siiaqty pıkırlerdı jiı estitınbız. Mıne, men dert jūqtyrdym, ony jasyrmai jariialap otyrmyn. Mūndaǧy maqsat alaŋsyz jürgen azamattar oilansyn, senbei jürgen kısılerdıŋ közı jetsın degenım. Auru bar. Ony jūqtyruşylardyŋ sany kün saiyn artyp jatyr. Qanşa jerden saqtyq şaralaryn qataŋ saqtap jürsek te, bız de jūqtyrdyq. Endı emdelu kerek.
Barşaŋyzdy özderıŋızdıŋ jäne jaqyndaryŋyzdyŋ densaulyǧyn saqtau üşın karantin rejimı men profilaktikalyq şaralardy ūstanuǧa şaqyramyn. Pandemiiaǧa jeŋıl-jelpı qarauǧa bolmaidy.
Barlyǧyŋyzǧa amandyq tıleimın!" dedı Toqaevtyŋ baspasöz hatşysy.
Qazaqstanda koronavirus jūqtyrǧandardyŋ sany 1 2511-ge jettı. 7 135 adam aiyqsa, 53 adam qaitys bolǧan.
