Keşe elımızde Toqaev äkımşılıgınıŋ jäne bıraz äkımnıŋ zäresın ūşyrǧan beibıt mitingıler öttı. "Elita" osy joly beibıt mitingışılerge qarsy tūru üşın keiıngı 2-3 aida koronavirusqa qarsy küreste jinaǧan täjıribesıne jäne "Zontik" pen "anti-beibıt mitingışı Talǧat Rysqūlbekov" sekıldı innovasiialyq ädıs-täsılderıne süiendı.
"Elitanyŋ" beibıt mitingılerge kedergı keltıruge, azamattardyŋ konstitusiialyq qūqyǧyn taptauǧa paidalanatyn qūral-saimandarynyŋ ışınde mitingı ornyna 20 jıgıtpen töbelesu üşın kelgen T.Rysqūlbekovtıŋ funksiiasy menı qatty qyzyqtyryp, kökeiımde bırneşe sūraq tuǧyzyp otyr.
1. B.Saǧyntaev myrza, T.Rysqūlbekov Almaty qalasy äkımşılıgı qyzmetkerı me? Eger sızdıŋ qyzmetkerıŋız bolmasa, keşegı mitingıde orynbasaryŋyz E.Babaqūmarovtyŋ sözın söilep, onyŋ janynan nege şyqpai jür?
2. E.Karin myrza, "Mitingışıler koronavirusty taratyp, basqa azamattardyŋ ömırıne qauıp töndırmedı me eken?" dep öte-möte qatty oilanyp, tünımen ūiyqtai almai şyqqanyŋyzǧa kümänım joq. Ne degenmen Qazaqstandaǧy nömırı bırınşı "memleketşıl" azamatsyz ǧoi. Sızge sūraq: Keşe mitingı ornyna beibıt şeruşıler maskamen, al T.Rysqūlbekovtıŋ maskasyz keluı jaily ne oilaisyz? Älde T.Rysqūlbekov siiaqty "memleketşıl" azamattar maska kimese de bola ma?
3. Q.Taimerdenov myrza, keşegı beibıt mitingıde töbeles ūiymdastyruǧa niettı bolǧan T.Rysqūlbekovtıŋ janyndaǧy 20 jıgıttıŋ kım ekenı anyqtaldy ma?Olardyŋ äreketın provokasiia dep eseptemeisız be?
4. J.Bekşin myrza, keşegı mitingıge maskasyz kelgen T.Rysqūlbekov ainalasyna qauıp töndırmes üşın ony qalai dezinfeksiialau kerek?
5. M.Tazabek myrza, keşegı beibıt mitingıde "sabyr saqtap, ūrmai-soqpai aitaryn aityp qaitqan" T.Rysqūlbekov mitingı ornyna ne üşın keldı dep oilaisyz? Qūiymşaqtan tebu üşın be, älde maskasyz kelıp, koronavirus taratu üşın kelgen be?
