Sońǵy ýaqytta koronavırýstyń bar ekendigine senbeıtin jurt qatary kóbeıe túsken sııaqty. Olardyń senbeýiniń kóptegen sebepteri bar. Sonyń biri, aýrý juqtyrǵan adamdardyń az bolýyna baılanysty tanys adamdardyń kezdespeýi nemese attarynyń jarııa etilmeýi bolsa, ekinshisi bastapqyda koronavırýs juqtyrǵan, biraq, sımptomy áli biline qoımaǵan adamdar kóptep aýrýhanalarǵa jatqyzyldy. "Olar aýrý bolmasaq ta qamap qoıdy, terezeden sekiremiz, qashyp shyǵamyn” dep vıdeo túsirip, eldiń arasyna taratyp jiberdi. Ýatsabyma aýyldas kisilerdiń osy tektes birneshe aýdıo jazbalary da keldi. Osyndaı vırýs vıdeolar kóbeıe bergen soń, halyq arasynda kúmán kóbeıe tústi.
Bul rette bizben salystyrǵanda Ózbekstan ońtaıly sheshim qabyldaǵan sııaqty. Olar koronavırýspen aýyryp, jaǵdaıy kúrdeli bop jatqan adamdardy vıdeoǵa túsirip, eldiń arasyna taratyp jiberdi. Boıyn úreı bılegen el úılerinen shyqpaı qoıypty. Nátıjesinde aýrýdy juqtyrýshylardyń sany da azaıǵan.
Keshe Aqordanyń baspasóz hatshysy Berik Ýálı bul vırýsty juqtyrǵanyn áleýmettik paraqshasynda jarııalaǵan bolatyn. Biraq postyń astyna jazylǵan “Ótirik spektakl qoıyp otyrsyńdar", "Koronavırýsqa bólingen aqshany aqtap jatsyńdar ma?", "Keshe Peskov aýyryp edi, endi Berik Ýálı. Aýrýdy da Máskeýge qarap anyqtaıdy" degen sııaqty pikirlerden qarapaıym halyq qana emes, oqyǵan, kózi ashyq degen keıbir azamattardyń ózi aýrýdan saıası astar izdep, onyń bar ekendigine kúmánmen qaraıtynyn baıqaýǵa bolady. Berik Ýálıdiń aýrý juqtyrǵany ras. Onyń ata-anasy da juqtyrǵany anyqtalyp otyr.
Bılik aqparattyq aǵartý boıynsha jetkiliksiz jumys jasap otyrǵanyn moıyndaýy kerek. Sondyqtan eń áýeli halyqtyń vırýsqa qatysty kúmánin seıiltý baǵytynda aǵartý jumystaryn shuǵyl qolǵa alýlary tıis.
QAIRAT JOLDYBAIULY: Bıliktiń aqparattyq jumysy aqsap tur
08.06.2020
4041
Pikirler
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз