Türkiia Qazaqstan arasyndaǧy äue joldary taiauda aşylady

İndustriia jäne infraqūrylymdy damytu ministrı Beibıt Atamqūlov Türkiiadan Qazaqstanǧa reister mausym aiynda bastalatynyn mälımdedı. «Osy jyldyŋ 1 mamyrynan bastap ışkı reister kezeŋ-kezeŋımen jüzege asyryluda. Reister aptasyna 340 reispen 44 baǧytta oryndalady. 188 myŋǧa juyq äue biletterı satyldy. Halyqaralyq reisterdı de kezeŋ-kezeŋımen qalpyna keltıru josparlanǧan. Osy jyldyŋ mausym aiynda bız Türkiia men Qazaqstan arasynda halyqaralyq reister aşudy josparlap otyrmyz.  ärı qarai, epidemiologiialyq jaǧdai jaqsarǧan saiyn bız älemnıŋ basqa elderımen reisterdı qalpyna keltırudı josparlap otyrmyz », - dedı ol ükımet otyrysynda. Atamqūlov būǧan deiın vedomstvoaralyq komissiia otyrys ötkızıp, onda 1 mausymnan bastap üş elde: Koreia, Qytai jäne Äzırbaijanda reisterdı qalpyna keltıru mäselesın zerdeleuge şeşım qabyldanǧanyn aitqan. «Kelesı kezeŋ: Germaniia, BAÄ, Chehiia jäne Tailand. Mümkın bız Polşa men Vengriiaǧa rūqsat alamyz. Būl ekınşı kezeŋ. 15 mausymnan keiın men ärdaiym özımnıŋ ärıptesterımmen bailanystamyn, jaqynda Türkiianyŋ kölık ministrımen söilestım. Olar 20 mausymda özderı şeştı.  Antaliiaǧa reister aşuǧa müddelı, bız jūmys ısteimız », - dedı ministr. "Adyrna" ūlttyq portaly.