MAQSAT TOLYQBAI: Jylqy emes, shoshqa baqqanyń jaǵdaıy jaqsarmaqshy (vıdeo)

4084
Adyrna.kz Telegram

Qurmetti dostar, myna bir dúnıeni túsindirip berińizdershi? Meniń aqylym jetpeı otyr. Biz aıtamyz ǵoı, qazaq halqy úshin jylqynyń orny bólek, jylqy degen maldyń patshasy, kezinde ata-babalarymyz attyń ústinde otyryp osy bir ulan-baıtaq jerde qorǵap qalǵan dep. Biraq budan bylaı memleket jylqyǵa bir teńge tipti, bir tıyn  sýbıdııa bólmeıtin boldy. Usaq mal qoıdyń óziniń jem-shóbine dep jylyna tórt-aq myń teńge bóledi.

Al bul sýbsıdııalardyń barlyǵy qaıda ketp jatyr deısizder ǵoı?! Onyń barlyǵy shoshqa sharýashylyǵyn damytýǵa jumsalady. Iaǵnı, budan bylaı bir shoshqa satyp alatyn bolsańyz memleket sizge 140 myń teńge aqsha beredi. Ári ol qaıtarymsyz aqsha.
Odan bólek dońyzdyń qarny ashyp qalmasyn dep jylyna taǵy 40 myń teńgeden beretin boldy. Men túsiner edim, elimizde jylqy, qoı sharýashylyǵy damyp ketip, ettiń kelisi 300 teńgeden bolsa, ol bólek áńgime. Álde bizdiń qazaq halqy tek qana shoshqanyń etin ǵana jeıtin bolǵan ba? Aýyldaǵy shopandar onsyz da áreń júr, jem-shópke aqsha tappaı. Olardyń aýyzynan jyryp sýbsıdııanyń barlyǵyn shoshqa sharýashylyǵyna aýdarý qanshalyqty durys? Siizderdiń de oılaryńyzdy bilgim keledi.

Mysaly, Mońǵolııa tórt túlik jylqy men qoıdyń sanyn 90 mln-ǵa jetkizý arqyly da baıyp otyr ǵoı. Men túsinemin, osyǵan bólingen aqsha aspannan jaýyp jatqan bolsa. Aınalyp kelgende siz ben bizdiń aqshamyzdy osy shoshqa sharýashylyǵyna bólý qanshalyqty durys? Eger qatelessem, túzetińizder.

Maqsat Tolyqbaıdyń shoshqa sharýashylyǵy jaıynda aıtqany

Pikirler