Almaty tūrǧynyna bank 45 milliard teŋge (111 million dollar - esk.) kölemende nesie alǧanyŋ üşın dep qaryz şyǧarypty, - dep habarlaidy "Euraziia bırınşı arnasyna" sılteme jasaǧan Tengrinius.
Mūndai ülken soma nesie şarty boiynşa sot qūjattarynda körsetılgen. Bıraq äiel qisynsyz qatelık ketkenın aitady.
"Būl ia qate, ia sot jüiesınıŋ şekten şyqqany. Men barlyq organǧa jazdym. Anamyn, bes jastaǧy balany jalǧyz tärbielep otyrmyn. Päterım ipotekada. Barlyq esepşotymdy būǧattap tastady, tıptı ipotekamdy tölei almai otyrmyn", - dedı Zebihon Qadyrova.
Äiel qaryzǧa aqşa alyp, qorǧauşy jaldaǧan jäne appeliasiiaǧa bergen. Söitse, 10 jyl būryn ol bır firmada zaŋger bolyp jūmys ıstegen jäne bank pen firma arasyndaǧy nesie şartyna qatysym bolady dep oilamaǧan da. Bıreu onyŋ atyn paidalanyp, kelısımge qosyp jıbergen.
"Özı şetelde bolǧandyqtan, būl kelısımge qol qoimaǧan. Iаǧni ol ıs jüzınde būl kelısımge qatyspady. Bıreu onyŋ tölqūjat derekterın alǧan jäne paidalanǧan", - dedı qorǧauşysy Talǧat Myltyqbaev.Şaǧym berudıŋ jalǧyz joly - Joǧarǧy sotqa jügınu. Bıraq būl oŋai emes. Äiel memlekettık baj salyǧyn - qaryzdaǧy somanyŋ bır paiyzyn töleu kerek. Al ol - 450 million teŋge.
"Qazır ıs audandyq sotqa jıberıldı. Qazır sot ǧimaratynda dezinfeksiialyq jūmystar jürıp jatyr. Sodan soŋ tiıstı aqparatty habarlaimyz", - degen pıkır bıldırdı jaǧdaiǧa qatysty qalalyq sottyŋ baspasöz hatşysy Abai Jarylqasyn.Qorǧauşy men almatylyq äiel jauap beretın tūlǧanyŋ qoly şartta körsetılmese, qalaişa sot milliardtaǧan somany töleu turaly şeşım şyǧarǧanyn tüsınbeidı. Olar ıstıŋ qaita qaraluyn talap etedı.
