Kök bazar territoriiasynda ornalasqan "Dostar-Kommers" bazary qyzmetkerlerı arasynda koronavirus infeksiiasynyŋ tırkeluıne bailanysty uaqytşa jabyldy. Qalalyq äkımdıktıŋ mälımetınşe, sauda orny 23 mausymǧa deiın jabylǧan.
Bazar jūmysyn Almaty qalasynyŋ Tauarlar men qyzmetterdıŋ sapasy men qauıpsızdıgın baqylau departamentı tiıstı ıs-şaralar men epidemiologiialyq zertteuler jürgızu üşın toqtatqan.
Bazar qyzmetkerlerı koronavirusqa test tapsyrǧan. Qazırgı kezde olar test nätijesın kütıp otyr.
Arnaiy monitoringtık top Kök bazar aumaǧynda tekseru jürgızıp, tūtynuşylar men satuşylar üşın bailanyssyz termometriia qūrylǧysy qondyrylmaǧynyn, tūtynuşylar äleumettık qaşyqtyq saqtau üşın belgıler salynbauyn, jeke qorǧanys qūraldary barlyq jerde bırdei qoiylmaǧanyn joiu, rūqsat etılgen jūmys rejimıne säikes kelmeu faktılerın anyqtaǧan.
Anyqtalǧan tärtıp būzuǧa bailanysty QR Äkımşılık qūqyq būzuşylyq turaly kodeksınıŋ 425-babynyŋ 2-bölıgıne säikes, äkımşılık qūqyq būzuşylyq turaly hattama toltyryldy. "Dostar-Kommers" kompaniiasynyŋ qyzmetın 2020 jyldyŋ 13 mausymynan bastap sot şeşımı şyqqanǧa deiın toqtata tūru turaly şeşım de qabyldandy. Äkımşılık ıs materialdary Almaty qalasynyŋ mamandandyrylǧan äkımşılık sotyna jıberıledı.
Äkımdıktıŋ habarlaǧanyndai, Kök bazar äkımşılıgı qyzmetkerlerı arasynan 20 adam koronavirusqa şaldyqqan. Al saudagerler arasynda tırkelmegen.
"Adyrna" ūlttyq portaly
