2020 jylǵy qańtar-mamyr aılarynyń aralyǵynda orta eseppen 387,2 myń kópbalaly otbasyǵa 93,9 mlrd teńge járdemaqy tólendi. Mamyr aıynda járdemaqynyń bul túrin 396,5 myń otbasy jalpy somasy 20,4 mlrd teńge aldy.Bul týraly "Adyrna" Eńbek mınıstrliginiń baspasóz qyzmetine silteme jasap habarlaıdy.
Atalǵan memlekettik járdemaqyǵa tabysyna qaramastan 4 jáne odan kóp birge turatyn kámeletke tolmaǵan nemese kúndizgi bólimde oqıtyn 23 jasqa deıingi stýdent balalary bar kópbalaly otbasylar úmitker bola alady. Tólem mólsheri 44 532 myń teńgeden (4 bala) 77 951 myń teńgege deıin (7 bala) quraıdy, 8 jáne odan da kóp balasy bar otbasylar úshin ár bala úshin saralanǵan túrde 4 AEK mólsherinde bolady.
Qazirgi kezde járdemaqynyń ulǵaıýy 8 jáne odan da kóp balalary bar otbasylar úshin jeke mólsherdi belgileý arqyly qamtamasyz etiledi. Tıisti zańǵa Memleket basshysy osy jyldyń 13 mamyrynda qol qoıdy.
8 balasy bar otbasy úshin járdemaqy – 88 896 teńge, 9 balaǵa – 100 008 teńge, 10 – 111 120 teńge, 11 - 122 232 teńge, 12 – 133 344 teńge, 13 – 144 456 teńge, 14 – 155 568 teńge, 15 - 166 680 teńge, 16 – 177 792 teńge tólenedi.
Zań 2020 jylǵy 1 qańtardan bastap kúshine engen, osyǵan baılanysty kópbalaly otbasylarǵa beriletin járdemaqy mólsheri ol taǵaıyndalǵan kezden bastap qaıta esepteledi. Osylaısha, tólenbegen soma aǵymdaǵy jyldyń shilde aıynda aýdarylady.
2020 jyly kópbalaly otbasylarǵa memlekettik járdemaqy tóleýge respýblıkalyq bıýdjetten 191,1 mlrd. teńge qarastyrylǵan
