«Aq jol» partiiasy elımızde koronavirus ındetınıŋ uşyǧyp ketkenı üşın Densaulyq saqtau ministrlıgın synǧa aldy. Būl turaly partiianyŋ baspasöz qyzmetı habarlady.
«Aq jol» partiiasy Densaulyq saqtau ministrlıgın koronavirus ındetınıŋ uşyǧyp ketkenı üşın synǧa aldy. Mäjılıstıŋ plenarlyq otyrysynda Ükımetke tömendegıdei deputattyq saual joldady.
QR Premer-Ministrı A.Ū.Maminge
Qūrmettı Asqar Ūzaqpaiūly!
«Aq jol» fraksiiasy Ükımettıŋ bırınşı kezeŋde pandemiiaǧa qarsy qolǧa alǧan ıs-şaralaryn joǧary baǧalaidy. Qabyldanǧan şaralar arqasynda basqa eldermen salystyrǧanda pandemiia edäuır bäseŋdedı.
Sonymen bırge, keibır öŋırlerde şekteulerdı alyp tastaǧannan keiın virus jūqtyrǧandardyŋ jäne qaitys bolǧandar sany kürt östı.
Deputattarǧa jergılıktı jerlerden syrqattardyŋ gospitaldaudan bas tartu, lyq toly emhanalyq ortalyqtarda emdeu proseduralaryn oryndamau, medisinalyq qyzmetkerlerdıŋ özderıne kerektı qorǧanu qūraldarynyŋ tapşylyǧy turaly şaǧymdar aityluda. Densaulyq saqtau ministrlıgınıŋ «el boiynşa ortaşa eseptegende» klinikalarda oryndar jäne qorǧanu kiım jabdyqtar jetkılıktı dep sendırgenderı şyndyqqa janaspaidy. Öitkenı, şeneunıkter statistikaǧa sılteme jasaidy, al adamdar bolsa naqty jaǧdailarmen kezdesude.
Olar bızdıŋ azamattarymyz, memleket olardy qorǧauǧa mındettı!
Äsırese, baǧasy qymbat, 15 myŋ teŋge ekenıne qaramastan koronavirusqa tekserıletın testılerdıŋ jetıspeuşılıgıne şaǧymdar tüsude. Dese de, adamdar soŋǧy üş ai boiy tabyssyz ömır sürgenı belgılı.
Tıptı Nūr - Sūltan qalasynyŋ özınde test tapsyruǧa kezek alu üşın kem degende ekı kün būryn tūru qajet. Test qortyndylaryda der kezınde berılmeidı. Osyndai kezekter turaly şaǧymdar Almaty, Şymkent, Pavlodar, ŞQO, Türkıstan jäne basqa da oblystardan da kelıp tüsude.
Söz joq, ındettıŋ osynşa örşuıne adamdardyŋ qauıpsızdık talaptaryn jıtı eskermeitını de äser ettı. Sondyqtan bız asa qauıptı öŋırlerde karantindı küşeitudı qoldaimyz .
Sonymen bırge, osy jaǧdailar Densaulyq saqtau ministrlıgı men äkımdıkterdıŋ koronavirusqa qarsy şaralardy ūiymdastyruyndaǧy biudjetten bölıngen qyruar qarajatqa (125 mlrd teŋge) jäne alǧaşqy ailarda jinaqtaǧan täjıribelerıne qaramastan jetkılıksız deŋgeiın körsetedı.
Osyǧan bailanysty, «Aq jol» partiiasy:
1) Barlyq koronavirustyŋ simptomdyq jūqtyrǧandardy gospitaldau üşın şūǧyl şaralardy qolǧa aludy, qajet bolsa, şalǧai eldı mekenderdıŋ tūrǧyndaryn testıleu jäne bos auruhanalarǧa aurulardy köşıru üşın sanitarlyq poezdy ūiymdastrudy;
2) Tūrǧyndardy testıleu üşın jetkılıktı deŋgeidegı kölemde testılermen, onyŋ ışınde tūrǧyndardyŋ az qamtylǧan toptaryn tegın testıleumen qamtamasyz etıluın;
3) Ūlttyq deŋgeide qosymşa karantindık şaralardy engızu mümkındıkterın qarastyrudy sūraidy.
Qūrmetpen,
«Aq jol» QDP fraksiiasynyŋ deputattary
"Adyrna" ūlttyq portaly
