Elbasynyŋ tapsyrmasymen «Nur Otan» azamattardyŋ kökeikestı mäselelerın jedel şeşudı, onyŋ ışınde äleumettık jelıler arqyly retteudı küşeittı. Būl turaly bileuşı partiia Töraǧasynyŋ bırınşı orynbasary Bauyrjan Baibek Instagram jelısındegı öz paraqşasynda jazdy.
Onyŋ aituynşa, el Prezidentınıŋ «Halyq ünıne qūlaq asatyn memleket» tūjyrymdamasy aiasynda partiianyŋ qoǧamdyq qabyldaulary jyl basynan berı öŋırlerde 196 myŋ ötınıştı qabyldap, onyŋ 96% şeşımın tapqan. Būl rette onlain ötınışter 6 esege artty, onyŋ ışınde Whatsapp arqyly – 8, al Facebook ben Instagram arqyly – 17 esege östı.
«Bügın Aqmola oblysynyŋ tūrǧyndarymen onlain kezdesude Zerendı auylynyŋ medisina qyzmetkerlerı tūrǧyn üimen qamtamasyz etu mäselesın köterdı. Ortalyq audandyq auruhananyŋ pediatr-därıgerı Gauhar Şärıpovanyŋ aituynşa, mekemenıŋ 36 qyzmetkerınıŋ baspanasy joq. Auruhanada mamandar tapşylyǧy baiqalady. Memleket basşysy Qasym-Jomart Toqaev keşe äkımdermen bolǧan jinalysta medisina qyzmetkerlerın materialdyq jäne moraldyq qoldau qajettıgı turaly taǧy da aitty. Sondyqtan būl mäselenı şeşu erekşe partiialyq baqylauǧa alyndy. 40 päterlık tūrǧyn üi qūrylysyna arnalǧan jobalau-smetalyq qūjattama äzırlendı, jer telımı bölınıp, biudjettık ötınım berıldı. Mäslihattyŋ taiaudaǧy sessiiasynda bızdıŋ fraksiianyŋ qoldauymen qajettı qarajat bölınetın bolady» - dedı ol.
Sonymen qatar, tıkelei efir barysynda Bauyrjan Baibek kökşetaulyq «Gormolzavod» käsıpornynyŋ bastauyş partiia ūiymynyŋ müşelerımen de tıldesıp, bastauyş partiia ūiymynyŋ müşelerıne #BizBirgemiz respublikalyq aksiiasyna qyzu atsalysqandary üşın alǧys aitty. Karantin kezeŋınde olar Kökşetau qalasynda 308 asa mūqtaj otbasyǧa 2,4 million teŋgege kömek körsettı. Bastauyş partiia ūiymynyŋ köptegen müşesı aldaǧy tamyz-qyrküiekte ötetın partiiaışılık praimerizge qatysudy josparlap otyr.
Beinekonferensiia bailanysy arqyly «Nur Otan» partiiasy Töraǧasynyŋ bırınşı orynbasary oblystyq partiia aktivımen bırge öŋırdıŋ özektı mäselelerın de talqylady.
«Qazırgı kezde partiia Liderı Nūrsūltan Nazarbaevtyŋ tapsyrmasy boiynşa partiianyŋ ärbır öŋırı, qalasy men audany boiynşa sailaualdy baǧdarlamalarynda eskeru üşın jüielı sipattaǧy kökeikestı mäseleler jinaqtalyp, taldau jasalyp jatyr. Tūrǧyndardy tolǧandyryp jürgen mäseleler öz şeşımın tabuy tiıs. Partiiamyz aldaǧy uaqytta da qoǧamnyŋ sūranystaryna der kezınde jauap berıp otyratyn bolady» - dep tüiındedı sözın Bauyrjan Baibek.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz