QR Parlamenti Májilisi jýrnalısterge arnalǵan «Parlament sózi» júldesiniń qorytyndysyn jarııalap, jeti atalym boıynsha jeńimpazdardy anyqtady. Bul týraly Májilistiń Baspasóz qyzmeti habarlady.
"Qazaq radıolary" seriktestigi "Arnaıy reportaj" atalymy boıynsha úzdik dep tanyldy.
"Parlament sózi" júldesi «Parlamenttik jýrnalıstıkany damytýǵa qosqan úlesi úshin» atalymy boıynsha «Qazaqstan dauiri» bas dırektory Sáýle Meshitbaeva jáne «Karavan» gazetiniń bas redaktory Igor Shahnovıchke berilse, «Úzdik televızııalyq sıýjet úshin» nomınaııasyn «Habar» telearnasynyń tilshisi Indıra Jylqaıdarova jáne «Eýrazııa» birinshi arnasynyń» tilshisi Svetlana Penkovaǵa buıyrdy.
Al «Úzdik baspa jarııalanymy úshin» nomınaııasyn «Egemen Qazaqstan» gazetiniń tilshisi Temir Qusaınov pen «Lıter» gazetiniń ujymy ıelendi. «Úzdik ınternet jáne radıo materıaly» nomınaııasyn «Abai.kz» aqparattyq portaly jáne Serik Sabekov («Kazinform») ıelendi.
«Parlament sózi» syılyǵynyń «Arnaıy reportaj» nomınaııasyn «Qazaq radıolary» jáne «Habar 24» telearnasynyń korrespondenti Mark Brıýshko jeńip aldy. «Úzdik beıne – sýret materıaly úshin» nomınaııasyn «Nur Media» fototilshisi Sovetbek Maǵzýmov jáne «Habar» telearnasynyń bas operatory Edil Ermekbaev ıelendi.
Sondaı-aq, bıyl áleýmettik jelidegi úzdekter anyqtaldy. Olar «Áleýmettik jelidegi úzdik materıal úshin» nomınaııasyn alǵash ret jýrnalıst-bloger Órken Kenjebek jáne YEDILOV ONLINE Telegram-kanalynyń avtory Erbol Edilov ıelendi.
Sonymen qatar, Májilis Tóraǵasy Nurlan Nyǵmatýlınniń bastamasymen bıylǵy jyly «Parlament sózi» arnaıy syılyǵy» nomınaııasy jýyq arada ǵana dúnıeden ótken belgili qazaqstandyq jýrnalıst Beısen Quranbekke berildi. Májilis Tóraǵasynynyń aıtýynsha, Beısen Quranbekteı otandyq televızııanyń damýyna zor úles qosqan, bilimdi, tájirıbeli azamattyń eńbegi halyqtyń qoshemetine laıyq.
Aıta ketý kerek, 2016 jyldan bastap jyl saıyn ótkiziletin syılyq qorytyndysyn shyǵarý elimizde oryn alǵan koronavırýs indetine baılanysty bıylǵy jyly birqatar ózgeristerge ushyrady. Májilis «Parlament sózi» syılyǵynyń ıegerlerin Májilis sımvolıkasy beınelengen músinshelermen jáne arnaıy dıplomdarmen marapattaýdy Parlamenttiń kúzgi sessııasynda ótkizedi dep josparlaýda.
Dýlat Ábıbýllaev, "Qazaq radıolary" JShS Bas redaktory:
–Seriktestik quramynda tórt radıoarna – "Qazaq radıosy", "Shalqar", "Klassık" jáne "Astana radıosy" bar. Olardan Parlamenttiń tynys-tirshiligine qatysty "Parlament saǵaty", "Depýtat saǵaty", "Pravo znat" sekildi habarlar efırge shyǵady. Eldegi quqyqtyq reformalar men zańnamalyq ózgeristerdi tyńdarmandarǵa túsindirý – tilshiler men depýtattardyń ortaq maqsaty.
"Adyrna" ulttyq portaly
