Foto: elements.envato.com
Almatyda koronavirus anyqtaityn laboratoriialardyŋ bırneşeuı ısten şyqty. Būl turaly qalanyŋ qoǧamdyq densaulyq saqtau basqarmasynyŋ basşysy Kamaljan Nadyrov aitty, - dep habarlaidy Tengrinews.kz .
"Bızdıŋ laboratoriialardyŋ bırneşeuı türlı sebepke bailanysty ısten şyqty. Osy aptada jöndeledı, qaityp jūmys ısteidı. Sondai-aq, Bolat Ötemūratov qorynyŋ qalaǧa syilaǧan mobildı laboratoriiasy paidalanuǧa berıledı", - dedı Kamaljan Nadyrov "Almaty" telearnasyndaǧy onlain-brifingte.
Basqarma basşysynyŋ aituynşa, laboratoriianyŋ ısten şyǧuyna tūrǧyndar şaǧymdanyp, şu şyǧarǧan. Endı vedomstvo jekemenşık biznes ökılderın tartyp, jaŋa laboratoriialar aşudy qarastyryp jatyr.
Eske salaiyq, almatylyqtar koronavirusty anyqtauǧa test tapsyratyn laboratoriianyŋ aldyndaǧy ūzyn-sonar kezekke şaǧymdandy. Kuägerlerdıŋ aituynşa, kezekte jüzden astam adam tūr.