Aqparat jäne qoǧamdyq damu ministrlıgı otbasyndaǧy zorlyq-zombylyqty joiu mäselesın talqylau maqsatynda onlain-brifing ūiymdastyrdy. Oǧan Mäjılıs deputattary, qoǧam belsendılerı, ükımettık emes ūiymdardyŋ ökılderı qatysty. Būl turaly "Tengrneus" habarlady.
"Älemdegı būl problema jyl saiyn bızdıŋ qoǧamda da özektı bolyp kele jatqany ökınıştı. QR Bas prokuraturasy Qūqyqtyq statistika jäne arnaiy esepke alu komitetınıŋ derekterıne süiensek, 2017 jyly 446, 2018 jyly 919, 2019 jyly myŋnan astam otbasylyq zorlyq-zombylyq bolǧan. Epidemiia bastap, karantin şaralary qataŋdatylǧannan keiın otbasylyq zorlyq 20 paiyz ösken. Ärine, būǧan uaiymdaimyz. Būl taqyryp qoǧam tarapynan narazylyq tuǧyzady. Kün saiyn BAQ pen jelıde otbasylyq janjaldyŋ qaiǧyly aiaqtalǧany turaly köremız, köbıne sonyŋ saldarynan balalar jetım bolyp qalady. Otbasyndaǧy zorlyqtan japa şekkenderge pandemiia basynan berı 37 myŋǧa juyq qorǧau nūsqamasy şyǧaryldy. Qūqyqbūzuşylardyŋ tärtıbıne qatysty 5 myŋnan astam qataŋ talap qoiyldy. Būl jerde qūqyqtyq şaralar azdyq etetını tüsınıktı. Qoǧamnyŋ jüielı türde jūmys ısteuı jäne ÜEŪ, sarapşy qoǧamdastyqtar, käsıbi psihologtar, qoldau toptary jäne özgenıŋ otbasylyq baqytyna bei-jai qaramaityn barşa adam küş salu kerek. Elımızde mūndai adamdar az emes. Köbı zardap şekkenderge kömek körsetıp, qoldap qana qoimaidy, sonymen bırge olardyŋ jaǧdaiyn jaqsartu üşın jaqsy ūsynystar da aitady. Qazır Mäjılıste otbasylyq zorlyq-zombylyqqa qarsy ıs-äreket mäselelerı jönındegı zaŋnama ūsynysy talqylanyp jatyr. Bügın Mäjılıs deputattary osy brifingke qatysyp otyr. Memlekettık organdar, azamattyq qoǧam instituty - bärı jūmyla köterıp, vedomstvoaralyq jūmys jasalmasa, būl problemany şeşe almaimyz. Sondyqtan osy mäselenı şeşu üşın naqty ūsynystar aitylady degen ümıttemın," - dedı Balaeva.
