Plasenta bır qaraǧanda bauyrǧa ūqsaidy. Jep körgenderdıŋ sözıne süiensek, dämı de sondai desedı. İä, estıgen qūlaqqa türpıdei tise de, balanyŋ joldasyn paidaly eken dep jeitınder az emes. Äsırese, batys jūldyzdarynyŋ jarnamasynan keiın būl tıptı trendke ainaldy. İnternettı qarasaŋyz, plasentadan äzırlenetın kotlet pen bälıştıŋ jasaluy jolyn da tabuǧa bolady. Odan qalsa, smuzi jasap ışetınder bar. Al kapsula türınde keptırılgenın Kim Kardaşian, Alisiia Silverstoun siiaqty selebritiler jiı jarnamalaidy.
Ǧalymdar ne deidı?
Balanyŋ joldasynda gormondar, därumender, fermentter men qan bar. Sondyqtan köpşılıgı ony ana men balanyŋ densaulyǧyna paidaly dep oilaidy. Bügınde meinstrimge ainalu sebebı de sol — ananyŋ bosanǧannan keiıngı depressiiadan qūtyluyna kömektesedı deidı-mys. Joldasyn jeudı ǧylymda «plasentofagiia» dep ataidy. Osy taqyrypqa 1950-2014 jyldar aralyǧynda 49 ǧylymi maqala arnalypty. Zertteu jasai kele, nätijesınde «jatyrdyŋ jiyryluyna, estrogen siklınıŋ qalypqa keluıne, süttıŋ molaiuyna äser etedı eken deuge ǧylymi negız joq» degen bailam jasalǧan. Plasentada paidaly elementter bolǧanymen, qatyryp ne keptırgennen keiın olardyŋ qanşalyq qalatyny belgısız. Sonymen qatar densaulyqqa ziian zattardyŋ baryn da eskeru qajet. Öitkenı ol taza bolmaidy. Ūryqtyŋ qorǧanyş qabaty bolǧandyqtan, synap, myryş, kadmii siiaqty ziian komponentterdı de boiyna jinaidy. Ol jerde qanşama bakteriia ömır süredı. Eger ana sütıne qosylsa, türlı infeksiia tudyruy mümkın.
Ǧalymdar plasentofagiianyŋ bükıl qauymda kezdesetın eskı ädet-ǧūryp emesın däleldegen. 179 halyqtyŋ ǧūrpyn zerttei kele, bala joldasyna qatysty mūndai räsımdı zertteuge qatysqan halyqtyŋ üşeuı ǧana jasaǧanyn anyqtapty. Köpşılıgı qytai halyq medisinasyna süienedı eken. Dese de, ol jaqta da ǧylymi däleldenbegen. Plasentanyŋ paidasy turaly jasalǧan zertteulerdıŋ keibırı ǧana rastalypty. Bıraq ol kezde täjıribe egeuqūiryqqa jasalǧandyqtan ǧalymdar adam qūrylysy odan görı kürdelı, sol sebeptı süttıŋ köbırek bölınuıne eş äser ete almaidy degen tūjyrymǧa kelgen. Bostondaǧy Soltüstık-batys universitetınıŋ qyzmetkerlerı zertteu jürgızgen. Nätijesınde bala joldasyn jegennen kelıp-keter eşteŋe joq degen bailam jasaidy. Ärı atalǧan qyzmettı ūsynatyn emhanalardyŋ plasentany saqtau men daiyndauǧa qatysty sertifikaty joq ekenı anyqtalǧan.
Januarlar öz şuyn nege jep qoiady?
Bıle bılseŋız, januarlar plasentasyn jep qoiady. Öitkenı jaŋa tuǧan ūrǧaşy aŋnyŋ azyq ızdeuge küşı bolmaidy. Sondyqtan osyndai amalǧa barady. Al endı bosanǧan äieldıŋ bala joldasynan basqa jeitın tamaǧy jetıp artylatynyn eskersek, qajettılık joǧy bılınedı. Plasentany küizelısten qūtqarady dep jeitınder köbıne psihologiialyq tūrǧydan özderın sendıredı desedı. Osy maqsatta jasalǧan saualnama nätijesınde, äielder köŋıl-küiınıŋ şynynda köterılgenın aitqan. Degenmen ony ölşeu mümkın bolmaǧandyqtan, naqty jauap beru de mümkın emes.
Balanyŋ joldasyn qazaq qaitken?
Būryn äjeler balanyŋ joldasyn juyp, orap, ony adam aiaǧy baspaityn, it-qūs ala almaityn jerge kömetın bolǧan. Joldasty juǧan adamǧa käde berıledı eken. Ol kezde äielderdıŋ perzenthanada emes, üide bosanatynyn eskeru kerek. Qazaqta balanyŋ joldasy dalaǧa tastalsa, äiel auruǧa ūşyraidy degen senım bar. Sonymen bırge äiel qyz tua berse, bosanyp jatqanda joldasyn alyp, basynan ainaldyrsa, ūl tuady dep sengen.
Plasentofagiia - biznes
Otbasylyq därıger Gauhar Jūmatqyzy plasentofagiiany biznes dep esepteidı.
«Bırde jüktı sıŋlımmen bala joldasyn jeu turaly äŋgımelestık. Bır jerden plasentanyŋ paidaly ekenın estıgen eken. Oqyp jürgende bızge mūndai närse aitylmaǧan edı. Sol kezde bırınşı ret bıldım. Dereu ızdene bastadym. Nätijesınde däleldengen ǧylymi material tappadym. Plasenta men siyr etın jegen adamdardyŋ qan analizın, temır deŋgeiın tekserıp zertteu jasaǧandar bar eken. Bıraq anau aitqandai äser bolmaǧan. Al «bala joldasyn jegen soŋ jaǧdaiym jaqsardy» degen pıkır aitqandar özderın sendırgenge köbırek ūqsaidy. Būl jerde maŋyzdy eskertu: ǧylymi negızı joq ekenı. Menıŋşe, būl - biznes közı. Bar bolǧany sol. Plasenta filtr qyzmetın atqaratyny belgılı. Sondyqtan onyŋ qūramynda gerpes, streptokokk, sifilis siiaqty infeksiialar, auyr metaldar men toksinder baryn bılu qajet. Ol bar bolǧany ūryqty qorektendırıp, ottegımen qamtamasyz etedı. Bala düniege kelgen soŋ syrtqa şyǧarylady. Sonymen qyzmetı tämam, ärmen qarai paidasy joq. Eger sonşalyqty paidaly organ bolsa, äiel boiynda qalar edı. Öz basym tıptı ǧylymi däleldense de jemes edım. Osy taqyrypta äleumettık jelıdegı paraqşama jazǧanda oqyrmandarym tügeldei derlık qarsy şyǧyp, negativpen qabyldady»,- deidı därıger.Jeuden bölek, kosmetikaǧa da qoldanady Bügınde plasentadan kosmetika jasau da beleŋ alǧan. Jasartatyn äser beredı-mys. Europada adam plasentasyn kosmetikaǧa qoldanuǧa zaŋ jüzınde tyiym salǧan. Moraldyq aspektıden bölek, qauıptı ekenı taǧy bar. Al basqa elderde bala joldasynan kosmetika jasap, satylyp jatyr. Köbıne qytai jäne japon kosmetikalary köp. Niu-Iorktaǧy därıger Devid Blenktıŋ aituynşa, ol önımderde lifting effekt bolyp, kollagendı köbeituı yqtimal. Bıraq plasentada äiel organizmıne negativ äser beretın gormon baryn da eskeru qajet. Sondyqtan qoldanarda abai bolǧan jön. İslamda adamnyŋ qandai da bır dene müşesın qoldanuǧa tyiym salynǧan. Al januarlardyŋ joldasyn qoldanuǧa qatysty ony taza emes, iaǧni näjıs dep esepteidı. Şoşqadan alynǧan plasenta - haram. Desek te, soŋǧy kezderı däl osy kosmetika türıne sūranys artyp kele jatqany baiqalady.
foto: academy.ru
