Almatyda qaitys bolǧan adamdardy tuystary jerlei almai otyr. Kei azamattar tıptı aqymyna deiın qazyp qoiǧan. Alaida sot saraptamalyq instituty ökılderı ölgen adamdardyŋ denesın bermegen. Bar gäp "koronovirustan qaitys bolmaǧan" degen anyqtamada eken, dep habarlaidy zakon.kz Euraziia bırınşı arnasyna sılteme jasap.
Qalada saraptama ortalyqtary karantinge jabylyp qalypty. Atyrau, Şymkent, Almaty oblystaryna aparyp jerleudı közdep otyrǧan azamattar ölgen adamdardyŋ denesı būzylyp ketetın boldy dep dabyl qaǧuda. İısı şyǧyp ketpeuı üşın eŋ bolmasa salqyn jerge jatqyza tūraiyq dese, ortalyq mäiıthana marqūmdardyŋ denesın qabyldaudan bas tartypty.
Tuystary qaitys bolǧan azamattar Almaty qalasy boiynşa sot saraptamalyq institutyna kelıp, şu şyǧardy. Kei azamattardyŋ tuystary üiınde qaitys bolypty. Künnıŋ ystyŋynda denesı būzylyp barady, üiımız ölık sasyp ketetın boldy dep dabyl qaǧuda.
Ekaterina Holiuchenko, qala tūrǧyny:
"Keşe bızdıŋ 80 jastaǧy apamyz qaitys boldy. Sarapşy kelıp COVID-19 synama alyp mäiıtke eşkım jaqyndamasyn dep aitty. Apamyzdyŋ denesı üide. Endı eşqandai salttyq qyzmet ökılderı de jolai almauda".Tūrǧyndardyŋ keibırı qaitys bolǧan jaqyndarynyŋ denesın būzylyp ketpeu üşın sot saraptamalar institutyna ötkızıptı. Alaida test qortyndysy şyqpaǧan soŋ mäiıttı de bermei jatyr eken. Kei azamattar tuǧan jerlerıne de aparyp jerleudı közdeidı. Aralarynda Atyrau, Şyǧys Qazaqstan oblysy, Şymkent, Taldyqorǧan qalasyna aparǧysy keletınder bar. Eger saraptama tezdetıp jürgızılmese, ölgen adamnyŋ denesı būzylyp ketetın boldy dep aşynuda. Tıptı jerın alyp, aqymyn qazyp ta qoiǧandar da bar. Mūrat Qūsaiynov, qala tūrǧyny:
"Eşqaida bara almai jatyrmyz jerleuge. Eşqandai, eşkımnen kömek joq. Myna keşe kelıp äreŋ ötkızdık. Ekı künnen keiın. Sasyp kettı üide. Endı sony ala almai jatyrmyz. Analiz kelmei jatyr. Eş jer qabyldamai jatyr".Janat İmanbaeva, qala tūrǧyny:
"Auyldyŋ tuysqandary jerın qazyp, aqymyn qazyp kütıp jatyr. Jerge tapsyratyn künı negızı qazaqtardyŋ nesı boiynşa. Sol mäiıttıŋ özın jetkızu 4 saǧat alady. Osy nemen osynda jürmız. Keşe de adam köp boldy. Bügın de ala almai jür süiekterın".Erbol Moldabaev, qala tūrǧyny:
"Dosymnyŋ kelınşegı qaitys bolyp edı. Bügın üşınşı täulık älı ala almai otyrmyz ölıktı. Bız Şymkentke Lengerge alyp ketuımız kerek. Uje 3 sutka boldy anda bar, akimatqa bar deidı. Barsaŋ är jaqqa jūmsai beredı. Bılmeimız ne ısterımızdı. Süiek naǧyp, būzylyp bara jatyr".Mäiıtterden alynǧan bio materialdarǧa saraptama jürgızetın ūlttyq saraptama ortalyǧynyŋ özı karantige jabylyp qalypty. Saraptama jürgızılmeidı. Ärı qaiǧyryp, ärı anyqtama ala almaǧandar ortalyqqa baryp mardymdy jauap ala almady. Sot saraptama institutynyŋ mamandarynan sūhbat alu mümkın bolmady. Teleon arqyly äreŋ jauap bergen ökılderı mäiıthanada onnan astam dene bar ekenın jetkızdı. Zertteu qortyndylary bolmaǧan soŋ denelerın bere almai otyrmyz dep aqtaldy. Jambyl Bekjanov, sot saraptamalar ortalyǧynyŋ ökılı:
"Qazır bızdıŋ mäiıthanada 13 dene jatyr. Onyŋ ışınde 10 denede kovid nätijelerı joq. Zertteu sparavkalary bolmasa da bız qabyldaimyz. Qazırgı uaqytta eŋ problemasy rezultaty. Kovid boiynşa zertteu. Ony densaulyq saqtau ministrlıgıne qaraityn zerthanalar ısteidı".Ūlttyq saraptama ortalyǧynyŋ ökılderı bügın elımızdıŋ bas memlekettık sanitar därıgerı "auruhanadan tys jerde qaitys bolǧan adamdardyŋ denelerı koronavirus anyqtamasynsyz jerlenedı" degen qaulyǧa qol qoiǧanyn jetkızdı. Alaida sot saraptamalar ortalyqtaryna älı nūsqau berılmegen. Sondyqtan älı eşkımge tuystarynyŋ mäiıtı berılmeptı. https://youtu.be/6V-2u5WW2ho
