Däuren Abaev jurnalisterdı käsıbi merekesımen qūttyqtady

Nūr-Sūltanda QR Prezidentınıŋ būqaralyq aqparat qūraldary salasyndaǧy syilyqtary men granttaryn tapsyru jäne Alǧys jariialau räsımı öttı. Şara barysynda QR Prezidentı Äkımşılıgı Basşysynyŋ bırınşı orynbasary Däuren Abaev Memleket basşysy Qasym-Jomart Toqaevtyŋ būqaralyq aqparat qūraldary ökılderın käsıbi merekesımen qūttyqtauyn oqyp berdı. Qazaqstan Respublikasy Prezidentınıŋ būqaralyq aqparat qūraldary salasyndaǧy syilyǧyn:

• «Qazaq ädebietı» gazetınıŋ bas redaktory Quatov Däuren Qasenūlyna;
• «Egemen Qazaqstan» respublikalyq gazetı» AQ basqarma töraǧasy Qydyrälı Darhan Quandyqūlyna;
• «Jetısu» telearnasynyŋ direktory Sarybai Serık Äbıkenūlyna;
• «Habar» telearnasynyŋ taldamalyq baǧdarlamalar bölımınıŋ şef-redaktory Truhachev Aleksandr Vladimirovichke tabys ettı.

Al Qazaqstan Respublikasy Prezidentınıŋ būqaralyq aqparat qūraldary salasyndaǧy granttaryn «QAZAQSTAN» ūlttyq telearnasynyŋ tılşısı Äşım Albinaǧa, «Habar» telearnasy taldamalyq baǧdarlamalar bölımınıŋ tılşısı Madiiarova Maqpal Baqytbekqyzyna, «Semei» telearnasynyŋ redaktor-telejürgızuşısı Nūryşeva Marjan Erkımbekqyzyna, «Azattyq ruhy» aqparat agenttıgınıŋ şyǧaruşy redaktory Smailov Jandos Meiırbekūlyna berdı. Qazaqstan Respublikasy Prezidentınıŋ būqaralyq aqparat qūraldary salasyndaǧy Alǧysymen «Ana tılı» gazetınıŋ, «QazAqparat» halyqaralyq aqparat agenttıgınıŋ, «Kazahstanskaia pravda» respublikalyq gazetınıŋ, «QAZAQSTAN» ūlttyq telearnasynyŋ Maŋǧystau oblystyq filialynyŋ şyǧarmaşylyq ūjymy marapattady.

«Bügıngı marapattaryŋyz qūtty bolsyn! Sızder būǧan äbden laiyqtysyzdar. Sonymen qatar, özderıŋız arqyly elımızdıŋ barlyq  jurnalisterın käsıbi merekelerımen qūttyqtaimyn! Qadamdaryŋyz qūtty, qalamdaryŋyz jüirık bolsyn! Elımızdıŋ damuy üşın aqparat salasynda aianbai eŋbek ete berıŋızder», - dedı Däuren Abaev.

"Adyrna" ūlttyq portaly