Aqparat jäne qoǧamdyq damu jäne ministrı halyqqa esep berude. Aituynşa, «Ruhani jaŋǧyru» baǧdarlamasyn ıske asyru üşın biyl 97 tarmaqtan tūratyn jospar jasalǧan. Ministrlık aqparat, azamattyq qoǧam, ūlt aralyq qatynas, dın jäne jastarmen jūmys salasymen ainalysady.
«Taǧy bır ülken baǧyt – būl qoǧamdyq sanany ruhani jaŋǧyrtu. Bıletınderıŋızdei, būl turaly osydan üş jyl būryn ūzaqmerzımdı arnaiy baǧdarlama qabyldanǧan. Osy uaqyt ışınde bıraz şarua atqaryldy. Qazırgı taŋda atalmyş baǧdarlama aiasynda 13 arnaiy joba ıske asyrylyp jatyr. Baǧdarlamany ıske asyru boiynşa biylǧy 2020 jylǧa arnalǧan 97 tarmaqtan tūratyn jospar da bar. Oǧan säikes atqarylatyn ıs-şaralar – tūlǧalyq damu, ūlttyq erekşelıktı saqtau jäne memleket pen azamattyq qoǧamdy damytu siiaqty 3 baǧytqa bölıngen. Mıne, är öŋırdıŋ osyndai öz jospary bar», - dedı Aida BalaevaMinistr aqparattandyru jaǧynan rruh.kz portaly jäne osy baǧdarlamaǧa qatysty barlyq mäselelerdı talqylau üşın arnaiy «Azamattyq alaŋ» jūmys ısteitının jetkızdı.
«Ärine, kenje qalǧan mäseleler de bar. Olar boiynşa bız jergılıktı resurstyq ortalyqtarmen tyǧyz qarym-qatynastamyz. Bızdıŋ jaǧymyzdan «Eŋbek – eldıŋ mūraty», «Qūqyqtyq mädeniet», «Ünem – qoǧam quaty», «Dästür men ǧūryp» atty 4 arnaiy joba ūsynylyp otyr. Olardyŋ ärqaisysyna jeke konsepsiia jasalyp qoiǧan. Būl jobalardyŋ barlyǧynyŋ negızgı ideiasy – tūlǧany tärbieleu men qoǧamda biık talǧam qalyptastyru», - dedı ministr.
"Adyrna" ūlttyq portaly
