QR Prezidentı Q.Toqaev koronavirus ındetınıŋ taraluyna qarsy şaralar qabyldau jönındegı keŋestıŋ otyrysyn ötkızıp jatyr. Būl turaly prezidenttıŋ baspasöz hatşysy jariialady.
"Qasym-Jomart Toqaev koronavirus ındetınıŋ taraluyna qarsy şaralar qabyldau jönındegı keŋeste özderıne jüktelgen mındetterdı şala oryndaǧan bırqatar şeneunıktıŋ jūmysyn synǧa aldy. Osyǧan bailanysty Memleket basşysy jūmysyna salǧyrt qaraǧany üşın Şymkent qalasynyŋ äkımı M.Äitenovke, Aqtöbe oblysynyŋ äkımı O.Orazalinge, Pavlodar oblysynyŋ äkımı Ä.Sqaqovqa jäne Vedomstvoaralyq komissiianyŋ töraǧasy E.Toǧjanovqa sögıs jariialady, "- dep jazdy Berık Uäli.Al Nūr-Sūltan qalasynyŋ äkımı A.Kölgınovke, Almaty qalasynyŋ äkımı B.Saǧyntaevqa, Sifrlyq damu, innovasiialar jäne aeroǧaryş önerkäsıbı ministrı A.Jūmaǧalievke eskertu jasady.
Atyrau, Qostanai jäne Batys Qazaqstan oblystarynyŋ äkımderıne öŋırlerdegı ahualdy retteu qajettıgın eskerttı. Atalǧan mäsele barlyq oblystyŋ basşylaryna da qatysty ekenın aitty.
"Adyrna" ūlttyq portaly
