QR Prezidentı Q.Toqaev koronavirus ındetınıŋ taraluyna qarsy şaralar qabyldau jönındegı keŋestıŋ otyrysy jalǧasuda. Būl turaly prezidenttıŋ baspasöz hatşysy Berık Uäli jariialady.
Memleket basşysy koronaviruspen küreste aqparattyq jūmystardyŋ maŋyzdy röl atqaratynyn aitty.
"Der kezınde habarlap, tiıstı şaralar qabyldauǧa köp närse bailanysty. Bastapqy kezeŋde būl jūmystar jaqsy ūiymdastyryldy. Bıraq memlekettık organdar soŋǧy kezde būl ıstı bosaŋsytyp jıberdı. Koronavirus boiynşa üş ai būryn arnaiy qūrylǧan Respublikalyq kommunikasiialyq ortalyq qazırgı uaqytta ıs jüzınde jūmys ıstemeidı. Osyǧan säikes, bügınde bıryŋǧai naqty aqparattar deregı joq. Indetke qarsy küreste jauapty şeneunıkter terıs aqparat berıp, halyqty odan ärı adastyrady. Eŋ jamany osy. Äkımder men ministrler qarapaiym halyqpen bailanys ornatudy qoidy. Olardyŋ aryz-şaǧymdaryna der kezınde jauap bermeidı. Sondyqtan tūrǧyndardyŋ köpşılıgı qaida bararyn bılmei, toryǧuda."- dedı Prezident.Qasym-Jomart Toqaev ındettıŋ keŋ taraluyna bailanysty tūrǧyndardan aryz-şaǧym köp tüsıp jatqanyn jetkızdı.
«www.coronavirus2020.kz saityna qyryq myŋǧa juyq sūraq kelıp tüstı. Qazırgı taŋda onyŋ üşten bırıne ǧana jauap berıldı. Mūndai qarym-qatynastyŋ nätijesınde terıs ärı jalǧan aqparattar örşıp tūr. Būl bızdıŋ jūmysymyzdy odan saiyn qiyndatuda. Aqparattyq jūmystarǧa qatysty täsıldı tübegeilı özgertu kerek. Telearnalardan, tıkelei efir arqyly därıgerlerden keŋes alyp, sūraqtaryna jauap alatyn kündelıktı baǧdarlamalardy ūiymdastyruǧa nege bolmaidy? Azamattarǧa emdeudıŋ protokolyn, algoritmın jetkızu kerek. Därı-därmekter, ony paidalanu jönınde tüsınıkteme beru qajet, – dedı Prezident.
"Adyrna" ūlttyq portaly
