Qataŋ karantindı Qazaqstanǧa qaitadan qaitaru kerek, - dep mälımdedı Qazaqstan Prezidentı Qasym-Jomart Toqaev.
«Aǧymdaǧy epidemiologiialyq jaǧdaidy tūraqtandyru boiynşa şūǧyl şaralardy qabyldau üşın, memlekettık komissiiaǧa osy jyldyŋ nauryz-mamyr ailaryndaǧydai qataŋ karantin engızu turaly ūsynysty äzırleudı jäne maǧan engızudı tapsyramyn», - dedı Memleket basşysy koronavirustyq infeksiianyŋ taraluyna qarsy tūru jönındegı keŋes barysynda.
Prezident sondai-aq vedomstvoaralyq komissiia özıne jüktelgen mındettı atqaruǧa şamasy jetpedı. Mūny aşyq moiyndau kerek dep mälımdedı.
Qasym-Jomart Toqaev adamdardyŋ ärqaisysy jūmysqa barudy oilaǧanyn, käsıpkerlık arqyly ekonomikalyq jaǧdaiyn tüzeuge ūmtylǧanyn, tuystary men jaqyndaryna qonaq boluǧa asyqqanyn aita kele, elımızde epidemiianyŋ ekınşı tolqyny beleŋ alǧanyna toqtaldy. Jaǧdaidy qaita baqylauda ūstau üşın kezek küttırmeitın şaralar qabyldau qajettıgın eskerttı.
Eske salaiyq, kezdesu barysynda Prezident Şymkent, Aqtöbe jäne Pavlodar oblystarynyŋ äkımderıne, sondai-aq vedomstvoaralyq komissiianyŋ jetekşısı Eraly Toǧjanovqa sögıs jariialady.
Sondai-aq, Nūr-Sūltan jäne Almaty qalalarynyŋ äkımderı Altai Kölgınov pen Baqytjan Saǧyntaev, sifrlyq damu, innovasiia jäne aeroǧaryş önerkäsıbı ministrı Asqar Jūmaǧalievke eskertuler aityldy.
Esterıŋızge sala keteiık, elde, resmi mälımetterge säikes, 21 327 infeksiia jaǧdaiy tırkeldı, onyŋ ışınde 12 933-ı emdeluden keiın qalpyna keldı, 183-ı qaitys boldy. Auyryp jatqandar 8,2 myŋ adam. Koronavirusty klinikalyq belgılerı joq jūqtyrǧandardyŋ sany 16 639 adamdy qūraidy.
Bır apta ışınde simptomsyz adamdar sany ekı ese östı - 9809-dan 15 573 adamǧa deiın.
"Adyrna" ūlttyq portaly
