Qazaqstanda karantin jaǧdaiy küşeitıldı. Būl turaly "Adyrna" premer-ministr saityna sılteme jasap habarlaidy.
QR Premer-Ministrı Asqar Maminnıŋ töraǧalyǧymen ötken Memlekettık komissiia otyrysynda QR Prezidentı Qasym-Jomart Toqaevtyŋ tapsyrmasyna säikes Qazaqstandaǧy epidemiologiialyq ahualdy tūraqtandyru şaralary qaraldy.
Eldegı sanitarlyq-epidemiologiialyq jaǧdai jäne koronavirus infeksiiasynyŋ taraluyna jol bermeu maqsatynda şekteu şaralaryn engızu boiynşa ūsynylatyn şaralar turaly densaulyq saqtau ministrı A. Soi baiandady.
Qazaqstanda epidemiologiialyq ahualdyŋ örşuın jäne koronavirus infeksiiasymen syrqattanuşylyqtyŋ ösuın eskere otyryp, Memlekettık komissiia biylǧy 5 şıldeden bastap 14 künge kelesı şekteu şaralaryn engızu turaly şeşım qabyldady:
Kölık qatynasy boiynşa:
1. Elder tızımın köbeitpei, halyqaralyq äue qatynasyn saqtau;
2. Öŋırler arasyndaǧy äue qatynasyn, temır jol qatynasyn saqtau (şekteulermen);
3. Öŋırler arasyndaǧy jolauşylar avtobusy qatynasyn uaqytşa toqtatu;
4. Qoǧamdyq kölıktıŋ jūmysyn uaqyt boiynşa şekteu.
Azamattardyŋ jürıp-tūruy boiynşa:
1. Oiyn-sauyq, sport jäne basqa da būqaralyq ıs-şaralardy, sondai-aq otbasylyq, eske alu şaralaryn ötkızuge tyiym salu;
2. Aşyq auada jattyǧular jasauǧa rūqsat etu;
3. Tūrǧyndardyŋ köşelerde, saiabaqtarda, skverlerde 3 adamnan artyq seruendeuın şekteu;
4. 65 jastan asqan adamdardyŋ syrtqa şyǧuyn şekteu.
Myna nysandardyŋ qyzmetıne tyiym salu kerek:
- Sūlulyq salondary, şaştaraz, sport zaldary, fitnes ortalyqtar, basseinder, azyq-tülık jäne azyq-tülıktık emes jabyq bazarlar, jaǧajailar, akvaparkter, mädeniet nysandary, muzeiler, körmeler, forumdar, konferensiialar jäne özge de ūiymdastyrylǧan būqaralyq ıs-şaralar, oiyn-sauyq ortalyqtary, mektepke deiıngı balalar mekemelerı (kezekşı toptardan basqa), dıni nysandar jäne t. b. (SOSO-daǧy oiyn-sauyq ortalyqtary, oiyn-sauyq nysandary (karaoke, biliard, kompiuter klubtary, bouling ortalyqtary), kinoteatrlar, balalardy sauyqtyru lagerlerı, fudkorttar, banket zaldary).
- Memlekettık organdardyŋ (ūiymdardyŋ), keŋselerdıŋ, ūlttyq kompaniialardyŋ jäne özge de ūiymdardyŋ qyzmetkerlerınıŋ kemınde 80%-nyŋ qaşyqtan jūmys ısteu rejimın saqtau;
- Aldyn ala jazylu boiynşa medisina ortalyqtarynyŋ qyzmetın saqtau;
- Därıhanalardyŋ, azyq-tülık dükenderınıŋ, aşyq bazarlardyŋ qyzmetın saqtau;
- Küşeitılgen sanitarlyq-dezinfeksiialyq rejimdı saqtai otyryp, kelesı nysandardyŋ qyzmetın saqtau: aşyq auada qoǧamdyq tamaqtanu nysandary; üzdıksız öndırıstık ainalymy bar qūrylys, önerkäsıp käsıporyndary; aşyq auadaǧy qūrylys jūmystary; auyl şaruaşylyǧy, balyq şaruaşylyǧy jäne mal şaruaşylyǧy jūmystary; halyqqa qyzmet körsetu salalary, onyŋ ışınde avto juu, avtomobilderdı jäne tūrmystyq tehnikany jöndeu, HQKO-lar, ekınşı deŋgeilı bankter (uaqyt boiynşa şekteu engızumen).
