Qazaqstandaǧy qataŋ karantin. Bas sanitar därıgerdıŋ qaulysy jariialandy

Qauly 2020 jyly 5 şıldede saǧat 00:00-den bastap küşıne enedı. 1. Qazaqstan Respublikasy İndustriia jäne infraqūrylymdyq damu ministrlıgı aviareisterdıŋ baǧyttary men jiılıgın köbeitpei, öŋırler arasyndaǧy aviaqatynastardy saqtaudy qamtamasyz etsın. 2. Qazaqstan Respublikasy İndustriia jäne infraqūrylymdyq damu ministrlıgı, "Qazaqstan temır joly" ūlttyq kompaniiasy" aksionerlık qoǧamy:

• jolauşylardyŋ temır jol tasymaly kölemın qysqartudy qamtamasyz etsın;
• qala maŋyndaǧy jolauşylar poezdarynyŋ (elektrichka, jūmys poezdaryn qospaǧanda) qozǧalysyn toqtata tūrsyn;
• jolauşylar poezdarynyŋ qūramynda jalpy vagondardy qūrudy boldyrmasyn.

3. Oblystardyŋ, Almaty, Nūr-Sūltan, Şymkent qalalarynyŋ äkımderı, Ortalyq memlekettık organdar, qūqyq qorǧau jäne arnaiy organdar:

• qalaaralyq avtobus tasymaldaryn toqtata tūrudy;
• oiyn-sauyq, sporttyq ıs-şaralardy, körmeler, forumdar, konferensiialar, sondai-aq otbasylyq, estelık ıs-şaralaryn (banketter, üilenu toilary, mereitoilar, as beru), onyŋ ışınde üide jäne adamdar köp jinalatyn özge de ıs-şaralardy ötkızuge tyiym saludy;
• azyq-tülık supermarketterı men olardaǧy därıhanalardy qospaǧanda, sauda-oiyn-sauyq ortalyqtarynyŋ, sauda üilerınıŋ, sauda jelılerınıŋ qyzmetıne tyiym saludy;
• oiyn-sauyq mekemelerınıŋ (karaoke, biliard, kompiuter klubtary, tüngı klubtar, bouling ortalyqtary, attraksiondar, balalardyŋ oiyn alaŋdary, batuttar jäne basqalary), kinoteatrlardyŋ qyzmetıne tyiym saludy;
• barlyq mädeniet obektılerınıŋ (teatrlar, konsert zzaldary, mūrajailar, körmeler jäne t.b.) qyzmetıne tyiym saludy;
• dıni obektılerdın (meşıtter, şırkeuler,  soborlar, sinagoga jäne t.b.) qyzmetın toqtata tūrudy;
• balalardy sauyqtyru lagerlerınıŋ, mektepke deiıngı balalar mekemelerınıŋ, balalardyŋ tüzetu kabinetterınıŋ, bılım beru ortalyqtarynyŋ, balalardy damytu ortalyqtarynyŋ, üiırmelerdıŋ, balalar men eresekterge arnalǧan kurstardyŋ qyzmetıne tyiym saludy;
• fudkorttar, banket zaldarynyŋ qyzmetıne tyiym saludy;
• SPA-ortalyqtardyŋ, jattyǧu zaldarynyŋ, fitnes-ortalyqtardyŋ, sporttyq-sauyqtyru ortalyqtarynyŋ, basseinderdıŋ, qalalyq, qoǧamdyq jaǧajailardyŋ, aşyq akvaparkterdıŋ, qoǧamdyq monşalardyŋ, saunalardyŋ, sūlulyq salondarynyŋ, şaştarazdardyŋ, kosmetikalyq jäne kosmetologiialyq qyzmet körsetetın ortalyqtar men salondardyŋ qyzmetıne, manikiur men pedikiur körsetıletın qyzmetterıne tyiym saludy;
• jabyq azyq-tülık jäne azyq-tülık emes bazarlarynyŋ qyzmetıne tyiym saludy;
• 500 m2 artyq azyq-tülık emes dükenderdıŋ tek jetkızu qyzmetın;
• 65 jastan asqan tūrǧyndardyŋ jäne 3 adamnan artyq toptardyŋ jürıp-tūruyn şekteudı;
• qoǧamdyq kölıktıŋ qozǧalysyn şekteudı;
• öŋırler arasynda jeke avtokölıktıŋ jürıp-tūruyna rūqsat berudı;
• äleumettık qaşyqtyqty jäne küşeitılgen sanitariialyq-dezinfeksiialyq rejimdı saqtai otyryp, memlekettık organdardyŋ (ūiymdardyŋ, käsıporyndardyŋ), kvazimemlekettık sektor organdarynyŋ, ūlttyq kompaniialardyŋ, özge de ūiymdardyŋ, sondai-aq käsıpkerlık subektılerınıŋ qyzmetıne rūqsat berudı qamtamasyz etsın. Būl rette qyzmetkerlerdıŋ kemınde 80%-y qaşyqtyqtan jūmys nysanynda qalady (ştat kestesınde 30-dan astam qyzmetker bolǧanda);
• aimaqqa bölu jäne küşeitılgen sanitariialyq-dezinfeksiialyq rejim talaptaryn saqtai otyryp, medisinalyq ortalyqtardyŋ (jazylu boiynşa) qyzmetıne rūqsat berudı;
• küşeitılgen sanitariialyq-dezinfeksiialyq rejimdı saqtai otyryp jäne 50%-nan asyrmai toltyra otyryp, halyqtyŋ tūruy boiynşa qyzmet körsetu salasyndaǧy turizm obektılerı men ūiymdarynyŋ (qonaqüiler, otelder, demalys üilerı, turistık bazalar jäne t.b.) qyzmetıne rūqsat berudı;
• küşeitılgen sanitariialyq-dezinfeksiialyq rejimdı saqtai otyryp därıhanalardyŋ, azyq-tülık dükenderınıŋ (şaǧyn marketter, supermarketter, gipermarketter), azyq-tülık jäne azyq-tülık emes bazarlardyŋ (ǧimarattan tys) qyzmetıne rūqsat berudı;
• küşeitılgen sanitariialyq-dezinfeksiialyq rejimdı saqtai otyryp, ūjymdyq ıs-şaralardy ötkızbei, aşyq auadaǧy jäne üi-jaida 30-dan aspaityn otyratyn oryn ornata otyryp, qoǧamdyq tamaqtanu obektılerınıŋ qyzmetıne rūqsat berudı;
• küşeitılgen sanitariialyq-dezinfeksiialyq rejimdı saqtai otyryp, üzdıksız öndırıstık siklı bar önerkäsıptık käsıporyndardyŋ; aşyq auadaǧy qūrylys jūmystarynyŋ, auyl jäne balyq şaruaşylyǧynyŋ, mal şaruaşylyǧynyŋ qyzmetıne rūqsat berudı;
• küşeitılgen sanitariialyq-dezinfeksiialyq rejimdı saqtai otyryp, uaqyt boiynşa şekteu arqyly halyqqa bailanyssyz qyzmet körsetu obektılerınıŋ (avtomobil juu, avtomobilderdı, tūrmystyq tehnikany jöndeu jäne basqalary) qyzmetıne rūqsat berudı;
• uaqyt boiynşa şekteu arqyly jäne küşeitılgen sanitariialyq-dezinfeksiialyq rejimdı saqtai otyryp, biznes-ortalyqtardyŋ (advokat, notarius, buhgalter jäne konsalting körsetıletın qyzmetterı, jyljymaityn mülık jönındegı agenttıkter, jarnama agenttıkterı, sot oryndauşylary jäne t.b.), bukmeker keŋselerınıŋ qyzmetıne rūqsat berudı;
• küşeitılgen sanitariialyq-dezinfeksiialyq rejimdı saqtai otyryp, uaqyt boiynşa şekteu jäne qyzmettı barynşa onlain formatta körsetu arqyly HQKO-nyŋ jūmysyn ūiymdastyrudy;
• küşeitılgen sanitariialyq-dezinfeksiialyq rejimdı saqtai otyryp, uaqyt boiynşa şekteu jäne qyzmettı barynşa onlain formatta körsetu arqyly "Qazpochta" AQ-nyŋ jūmysyn ūiymdastyrudy;
• äleumettık qaşyqtyqty saqtai otyryp, 3 adamnan aspaityn toptarmen nemese bır otbasy müşelerımen oiyn-sauyq obektılerı joq saiabaqtarǧa, alaŋdar men skverlerge, jaǧalaularǧa jäne halyqtyŋ basqa da demalys oryndaryna baruǧa rūqsat berudı;
• aşyq auadaǧy jeke jattyǧularǧa rūqsat berudı;
• qoǧamdyq kölıkke, taksige, önerkäsıptık aumaqtarǧa, äuejailarǧa, aulalyq balalar alaŋdaryna, azyq-tülık jäne azyq-tülık emes bazarlarǧa jäne basqa da qoǧamdyq oryndarǧa sanitariialyq jäne dezinfeksiialyq öŋdeu jürgızudı;
• Qazaqstan Respublikasy Ūlttyq Bankınıŋ jäne Qazaqstan Respublikasy Qarjy naryǧyn retteu jäne damytu agenttıgınıŋ aktısıne säikes uaqyty jäne sany boiynşa şektei otyryp, qarjy naryǧy subektılerınıŋ qyzmetıne rūqsat berudı qamtamasyz etsın.

4. Oblystardyŋ, Almaty, Nūr-Sūltan, Şymkent qalalarynyŋ äkımderı, oblystardyŋ, Almaty, Nūr-Sūltan, Şymkent qalalarynyŋ tauarlar men körsetıletın qyzmetterdıŋ sapasy men qauıpsızdıgın baqylau departamentterı, oblystardyŋ, Almaty, Nūr-Sūltan, Şymkent qalalarynyŋ polisiia departamentterı qyzmetıne rūqsat berılgen obektılerde karantindık şaralardyŋ, sanitariialyq-dezinfeksiialyq rejimnıŋ saqtaluyn baqylaudy qamtamasyz etsın. Būzuşylyqtar anyqtalǧan jaǧdaida Äkımşılık qūqyq būzuşylyq turaly kodekske säikes tiıstı äkımşılık şaralar qoldansyn. 5. Tiıstı aumaqtaǧy, kölıktegı bas memlekettık sanitariialyq därıgerler, Qazaqstan Respublikasy Qorǧanys ministrlıgınıŋ, ūlttyq qauıpsızdık jäne ışkı ıster organdarynyŋ, Qazaqstan Respublikasy Prezidentınıŋ Is Basqarmasy vedomstvosynyŋ halyqtyŋ sanitariialyq-epidemiologiialyq salamattylyǧy salasyndaǧy qyzmettı jüzege asyratyn qūrylymdyq bölımşelerınıŋ basşylary qalyptasqan epidemiologiialyq jaǧdaiǧa bailanysty karantindık şaralardy qataŋdatu turaly şeşım qabyldauǧa qūqyly. 6. Osy qaulynyŋ oryndaluyn baqylaudy özıme qaldyramyn. 7. Osy qauly 2020 jylǧy 5 şıldede 00 saǧat 00 minuttan bastap küşıne enedı.

Derekközı: Tengrinews.kz