«Kedergilerdi jeńý» derekti fılmi Tatarstanǵa jol tartady

404

«Kedergilerdi jeńý» derekti fılmi XVI Qazan Halyqaralyq musylman kınosy festıvaliniń konkýrstyq baǵdarlamasyna engizildi. Kartınanyń rejısseri – Baný Ramazanova.

QR Mádenıet jáne sport mınıstrliginiń tapysyrysymen «Qazaqfılm» kınostýdııasynda túsirilgen derektiń fılmniń jelisi 1952 jyly Jambyl mańyndaǵy Lýgovoı jylqy zaýytynda týǵan Sovet zamanyndaǵy jylqy sportynyń ańyzy bolǵan «Absent» aqaltekesi týraly jáne táýelsiz Qazaqstandaǵy konkýrdyń jaǵdaıyn baıandaıdy.

XVI Qazan Halyqaralyq musylman kınosy festıvali bıyl tehnıkalyq tártipte ótetindikten kórermender úshin jabyq bolady. Mundaı sheshimdi festıvaldiń quryltaıshylary men uıymdastyrýshylary koronavırýs ınfekııasynyń taralýyn boldyrmaý sharalaryn qamtamasyz etý maqsatynda qabyldady.

Aıta ketý kerek, uıymdastyrý komıteti 63 elden 629 fılm tirkedi. Kınotanýshy Sergeı Anashkınniń tóraǵalyǵymen irikteý komıssııasy 52 fılmnen turatyn qysqa tizimge konkýrs jasaldy. Qazaqstandyq fılm baq synaıtyn «Tolyqmetrajdy derekti fılmder» baıqaýynda Úndistannan, Tájikstannan, Germanııadan, Shveıarııadan, Reseıden jáne basqa elderden 10 fılm usynyldy.

Jeńimpazdardyń tizimi qyrkúıektiń basynda festıvaldiń resmı saıtynda jarııalanady.

Esterińizge sala ketsek, «Kedergilerdi jeńý» derekti fılminiń festıval tarıhy Túrkııada bastaldy. 2020 jyldyń mamyr aıynyń sońynda fılm Anatolia International Film Festival basty baıqaýyna qatysty.

Aǵymdaǵy jyldyń tamyz aıynda atalmysh fılm taǵy eki festıvalda baq synaıdy. 1-7 tamyz aralyǵynda Greııada ótetin  7-shi Ieraptera Halyqaralyq derekti fılmder festıvaliniń negizgi konkýrstyq baǵdarlamasyna jáne 23-30 tamyz aralyǵynda Docs Without Borders Film Festival kınofestıvaliniń negizigi konkýrsyna qatysady.

"Adyrna" ulttyq portaly

Pikirler
Redakııa tańdaýy