Kiım taŋdauda är adamnyŋ öz süiıktı tüsı bolady. Bälkım, sız de öz garderobyŋyzda bır tüstıŋ özge tüsterge qaraǧanda köbırek ekenın baiqaǧan şyǧarsyz? Qūrmettı oqyrman, būl jai säikestık emes. Osyndai bıryŋǧai tüster üilesımı sızdıŋ ışkı jan dünieŋızdı beineleuge septıgın tigızedı. Endeşe tüster arqyly jan sūlulyǧyŋyzǧa üŋılıp köreiık.
Qyzyl tüs
Qyzyl tüs jürek soǧu jiılıgın jäne tynys aludy joǧarylatady. Adamnyŋ būl tüske degen mahabbaty onyŋ maqsatşyl ekenın bıldıredı, keide aşuşaŋ boluy da mümkın. Sız ünemı alda jüresız jäne kiımde eŋ batyl eksperimentke daiynsyz. Ädette, sız ūmtylǧan närsege qol jetkızesız jäne sızge qarsy tūru qiyn. Sız jıgerlı, tık mınezdı adamsyz. Būl tüstı ūnatatyn adamdardyŋ öz-özıne senımdı ärı tūraqty ekenı däleldengen.
Kök tüs
Sız sirek külesız. Senımıŋızge kıru öte qiyn. Saq adamsyz, tek "jaqynym" dep qabyldaǧan adamdarǧa ǧana senesız.Sız öte tynyş adamdar qataryna jatasyz. Kögıldır tüske qaraǧan kezde impuls, qan qysymy, tynys alu jiılıgı tömendeidı. Özıŋızdı qoǧamǧa kerek adamdar qataryna jatqyzasyz.
Aq tüs
Aq - bostandyqtyŋ, tazalyqtyŋ, kınäsızdıktıŋ jäne qarapaiymdylyqtyŋ simvoly. Sondyqtan ömırdı nölden bastaǧymyz kelse, bız özımızge aq närse satyp alamyz.Aq tüs senımdı adamdardy tartady. Būl tüstı taŋdaityndar ömırge optimistık közqaraspen qaraidy. Olar är närsenı ūqypty ūstaityn, jaŋa bastaǧandardy jaqsy köretın jäne jetıluge ūmtylatyn adamdar.
Külgın tüs
Külgın tüs - qyzyl men köktıŋqosyndysy. Iаǧni,sız bır uaqytta tynyş ärı emosionaldy bola alasyz. Būl tüs barlyq standartty emes elementterdı bıldıredı. Külgın tüstı ūnatuşylar siqyrly qarym-qatynasty qalaidy jäne köp qiialdaidy.
Qyzǧylt tüs
Qyzǧylt tüs - būl jūmsaqtyq, näzıktık, meiırımdılık pen sezımtaldyqtyŋ tüsı. Qyzǧylt - qyzyl jäne aq tüstıŋ qospasy, iaǧni erkındık qūmarlyqty jeŋıldetedı. Eger sız būl tüstı jaqsy köretın bolsaŋyz kez-kelgen qatygezdık pen zorlyq-zombylyqqa jol bermeisız . Özıne osy tüstı taŋdaǧan adam jeŋıl, jaily älemde ömır sürudı jön köredı.
Jasyl tüs
Köptegen adamdar üşın sız jūmbaqsyz. Būl qūpiialyq sızdıŋ süikımdılıgıŋızdıŋ basty sebebı, sondyqtan ony joǧaltpauǧa tyrysyŋyz. Mäŋgı jasylǧa degen süiıspenşılık sızdıŋ eŋbekqor ekenıŋızdı bıldıredı. Sız özgelerge ūnaǧyŋyz keledı, bıraq özgelerdıŋ oi-pıkırınen qaşasyz.
Sary tüs
Sız sabyrly, meiırımdı jäne köŋıldı adamsyz. Sary tüstı taŋdaityn adamdar özgerıs pen erkındıktı qalaidy, sol sebeptı būl adamdar tūraqsyz bolyp keledı. Qiyndyqqa oŋai tötep bere alady.
Kök tüs
Sız qamqor jäne köŋıldı adamsyz. Aşyq kök - abaisyzdyq pen ūqypsyzdyqtyŋ tüsı, öitkenı ol talap qoimaidy. Sız basqalardy aşulandyrmaisyz, sebebı daulasudan qaşasyz. Sertke berık jansyz.
Qoŋyr tüs
Qoŋyr tüske qūmar adamdar kez-kelgen ıstı oŋai igeredı. Sız eşqaida asyqpauǧa tyrysasyz . Bügınde būl sirek kezdesetın qasiet. Būl tüstı qalaityn adamdar fizikalyq demaludy, tynyştyqty qalaidy. Sondai-aq, öz densaulyǧyna ülken män beredı. Olar otbasyǧa erekşe män beretın adamdardy jaqsy köredı. Qoŋyr tüstı jiı kietın adam özınıŋ jeke "menın" ızdeuşı.
Qara tüs
Qara - tolyq jetıludıŋ tüsı. Sondyqtan ol «eşteŋe» ideiasyn bıldıredı. Būl tüstı talǧampazdar taŋdaidy . Qara kiımde sız ärqaşan taŋǧajaiyp körınesız. Būl sızde bölısuge asyqpaityn köptegen qūpiianyŋ bar ekenın körsetedı.Qara kiımdı ūnatatyndar maqsatşyl keledı, sonymen bırge öte sezımtal. Ädette, olar emosionaldy, alaida ony jasyruǧa tyrysady.
Diana ASANOVA,
«Adyrna» ūlttyq portaly
