1981 jyldyŋ sarşa tamyzy Robert pen Linnet Federerlerdıŋ otbasyn quanyşqa böledı. Būl quanyştyŋ basty sebepkerı – Rodjer esımdı säbidıŋ düniege keluı bolatyn. İä! Rodjer! Sız ben bız bıletın älemdık tennistıŋ jarqyn jūldyzy – Rodjer Federrer...
Balǧyn kezeŋ
«Men şyn mänınde 10, 14 nemese 16 jasymda asqan daryndy bolǧan joqpyn, qatardaǧy köp balanyŋ bırı boldym. Tek 1998 jyly jasöspırımder arasyndaǧy Uimbldon turnirın jeŋgennen keiın ǧana, mende bır senımdılık paida boldy», - deidı Rodjer Federrer. İä, rasymen de farmasevter otbasynda düniege kelgen säbi erekşe darynymen baiqala qoimaǧan. Mädeni oşaqtarǧa toly Bazelde eseigen öskın özge de jetkınşekter sekıldı körkemönerge, qimyl-qozǧalysty talap etetın badminton, üstel tennisı, futbol syndy sport türlerıne qyzyqqan. Alaida anasy Linett Federrerdıŋ «Ciba Klybeck» tennis klubynda balalar jattyqtyruşysy boluy, jarqyn jūldyzdyŋ alǧaş raketkany qolyna alyp, ülken tennispen äuestenuıne äser etken.
Tentek talant
Ärine, sport janküierlerı tennis kortyndaǧy sypaiy, salmaqty jūldyzdy jazbai tanytyny anyq. Alaida balaŋ Rodjer emosionaldyq tūraqsyzdyǧymen, qyzuqandylyǧymen közge tüsıp, soǧan sai jazasyn alǧan kezderı de az bolmaǧan. Tıptı, sol mınezı üşın bırneşe märte jattyǧudan quylyp, därethana da tazalaǧan. Onyŋ ärıptesı İv Allegro: «Bırde Bil qalasyndaǧy tennis alaŋy şuyldy azaitatyn jabumen qorşalyp, barlyǧymyzǧa jabudy qūrtyp almau turaly qataŋ eskertu jasaldy. Ondai jaǧdai oryn alǧan künde, büldırgen adam bır apta därethana tazailatyny da aityldy. Alaida jattyǧulardyŋ bırınde soqqyny ötkızıp alǧanyna būldanǧan Rodjer, raketkany laqtyryp qymbat jabuǧa saŋylau saldy. Tärtıp boiynşa bır apta darethana tazalady»,- deidı.
Ekiublanǧa jol
Sportşynyŋ tenniske äuestıgı ömırınıŋ de basqa arnaǧa auysyna äser etken. Turnirlerge tūraqty türde qatysu onyŋ sabaǧyna kedergı keltırgenmen, aǧylşyn, fransuz, nemıs tılderınde erkın söileuıne mümkındık tudyrǧan. Tıl üirenu barysynda Rodjerge qiyn soqqany fransuz tılı. Ol ony Ekiublandaǧy tennis ortalyǧynda jürgende üirengen. Alaida ol osy uaqyttarda orta jäne dostar mäselesınde qiynşyqtarǧa tap bolǧany jaiynda: «Şveisariialyq nemıs bolǧanym üşın bärı kületın. Maǧan soqtyǧuǧa daiyn tūratyn. Men jiı jylap, üige qaitqym keletın», - dep eske alady. Köptegen mamandar sportşynyŋ Ekiublanǧa saparyn sättı bolǧan dep esepteidı. Sebebı ol mūnda fransuz tılımen qosa, sabyrly, qajyrly boludy üirengen.
Sidneidegı tanystyq
Äigılı tennis maitalmanynyŋ süiıktısı Miroslava Vavrines te sporttyŋ auylynan alys emes. Ekeuınıŋ tanystyǧy 2000 jylǧy Sidneidegı olimpiada oiyndarynda bastalǧan. Sol jyldary ekeuı de tennisten Şveisariia qūramasynyŋ namysyn qorǧaǧan. Miroslavanyŋ sporttaǧy ǧūmyry 2002 jyly aiaǧynan alǧan jaraqatyna bailanysty qysqa boldy. Qos sportşy alǧaşqy tanystyqtan keiın arada 9 jyl ötkende otbasyn qūryp, sol jyly Mila Rouz, Şarlin Riva esımdı egız qyzdardy 2014 jyly Leo jäne Leonarta esımdı egız ūl balalardy düniege äkelgen.
Atymtai Rodjer
Qaiyrymdylyq ısterımen ainalysudy maqsat etken «Şveisariialyq Maestro» 2003 jyly jeke qor qūrǧan. Sol uaqyttan berı atalǧan qordan Afrikadaǧy balalardyŋ bılım aluyna, sportpen şūǧyldanuyna qarjy bölınıp tūrady. Älemdık pandemiia bastalǧaly Rodjer qory Afrikadaǧy 64 000 myŋ balaǧa, az qamtylǧan otbasylarǧa kömek berdı. Sonymen qatar Şveisariiadaǧy jaǧdaiy tömen otbasylarǧa 1 million frank bölgen.
Atymtai Rodjer
Qaiyrymdylyq ısterımen ainalysudy maqsat etken «Şveisariialyq Maestro» 2003 jyly jeke qor qūrǧan. Sol uaqyttan berı atalǧan qordan Afrikadaǧy balalardyŋ bılım aluyna, sportpen şūǧyldanuyna qarjy bölınıp tūrady. Älemdık pandemiia bastalǧaly Rodjer qory Afrikadaǧy 64 000 myŋ balaǧa, az qamtylǧan otbasylarǧa kömek berdı. Sonymen qatar Şveisariiadaǧy jaǧdaiy tömen otbasylarǧa 1 million frank bölgen.
Aǧyn AIDYN,
«Adyrna» ūlttyq portaly.
