Aida Bukaeva esımdı feisbuk qoldanuşysynyŋ paraqşasynan Densaulyq saqtau ministrı Aleksei Soiǧa videoündeu jariialandy. Olar ministrge esep bergenderge senbeuın sūrap, qolymyzda dälelder jetkılıktı dedı. Eger şūǧyl şara qoldanbasaŋyz qolymyzdaǧy barlyq jazbalardy jariialaimyz dep bekınıp otyr.
– Kezekte tūrǧandar ındet jūqtyryp jatyr. Jüikelerı tozǧan. Halyq därı ızdep qalada sabylyp jür. Sūranystyŋ köptıgı sonşa būryn 300 teŋge tūrǧan tabletkalar qazır 25 myŋ teŋgege jettı. Şara qoldanyŋyz, qoldana almaisyz ba, onda ornyŋyzǧa mäselenı şeşetın basqa adam kelsın. Halyqty mazaq etkenıŋızdı doǧaryŋyz, – dedı erıktınıŋ bırı.Kelesı volonter eldegı osy jaǧdaidy paidalanatyn alypsatarlar baiyp qaludy közdep otyr dep esepteidı. Ol mūndaimen ainalysyp jürgen adamdardy tızımdep, ärqaisysyn äşkere etu kerek degen pıkırde.
– Bügın ǧana Mäskeuden gumanitarlyq kömek kelgenın körıp otyrmyz. Bız osy därılerdıŋ auruhanaǧa, nauqastarǧa jetuın qadaǧalaimyz. Är palatany aralap, videoreportaj tüsıremız. Eger azamattarymyz därı tapşylyǧynan ajal qūşatyn bolsa, oryndaryŋyzdy bosatyŋyzdar! Bız qazaqstandyqtardyŋ qyrylǧanyna jol bermeimız. Olardyŋ aqşasy, jūmysy, endı mıne, densaulyǧy da joq. Osy küige qalai tüstık? Halyq qyrylyp jatqanda, myŋdaǧan şarşy metrlık meiramhanalardyŋ keregı qanşa? Erteŋ adamdardyŋ barlyǧy qaitys bolatyn bolsa, olarǧa kım barady? Basqa planetadan äkelesızder me?! Şūǧyl türde şara qoldanyŋyzdar. Stasionarlardy qarapaiym qajettılıktermen, sumen, qymyzben, närlı tamaqpen qamtamasyz etıŋızder. Būl sondai qiyn ba? Bız jyldar boiy eşnärse sūramai keldık. Endı nauqastardy, medisina mamandaryn qoldaudy sūrap tūrmyz, – dedı kelesı erıktı.Därıgerler jyldar boiy şaǧymdana almaityndai jüie qūryp tastady deidı taǧy bırı. Qazırgı jaǧdaidy genositke teŋedı.
– Şūǧyl şara qabyldaŋyz! Qabyldamasaŋyz, bız qolymyzda bar barlyq aiǧaqty jariialaimyz. Būl – "bomba" bolady. Därıgerlerdı mazaq etu toqtatylsyn!, – dedı ol.https://www.youtube.com/watch?v=1kfp4XqZzTY&feature=youtu.be
