Jūmyla kötergen jük jeŋıl: karantin kezındegı kömek

Koronavirus pandemiiasy künnen-künge örşıp barady.  Būl ındet elımızdıŋ bırlıgı men yntymaǧyn da synǧa alǧandai. Dana halqymyz synalar sätte virusty jeŋuge belsene atsalysyp, bır-bırıne qol ūşyn sozuda. «Adyrna» ūlttyq portaly tötenşe jaǧdai kezınde jasalǧan jaqsylyqtardyŋ bır parasyn nazarlaryŋyzǧa ūsynady.   Karantinnıŋ alǧaşqy künderındegı kömek   Elımızge tötenşe jaǧdai engızılgen künnen bastap äkımdıkter men volonterler, käsıpkerler men tanymal adamdar mūqtaj otbasylarǧa azyq-tülık pen gigienalyq paketter taratqan bolatyn. «Jas Otan» jastar qanatynyŋ erıktısı Bibınūr Şerniiaz «Bız bırgemız» chellendjın bastap, öz qolymen tıkken maskalardy äleumettık jūmysşylarǧa tegın ülestırdı. Būl aksiia elımızdıŋ tükpır-tükpırınde öz jalǧasyn tapty. Osy oraida belgılı dizainer, marqūm Berık İsmailov ta ülken üles qosyp, qazaq halqynyŋ jüregınde özınıŋ märttıgımen este qaldy. Al Ardaq Nazarov, Tūrsynbek Qabatov, Marjan Arapbaeva, Berkut, Gülzira Aidarbekova syndy tanymal adamdar erıktı türde az qamtylǧan otbasylarǧa kömektesıp, halyqtyŋ alǧysyna bölendı. Elbasymyzdyŋ bastamasymen qūrylǧan «Biz Birgemiz» qoryna Timur Qūlybaev 10 mln dollar, Keŋes Raqyşev 1 mln dollar, Ǧalymjan Esenov, Aidyn Rahymbaev, Raşid Särsenov qarjy audardy.   Däulettıŋ oqyrmandary erledı   Karantin kezınde Däulet Töleutaiūlynyŋ atqarǧan jūmysyn erekşe atap ötken jön. Bloger oqyrmandarynyŋ kömegımen 400 otbasyǧa azyq-tülık taratty. Ramazan aiynda 100 million teŋgege qaiyrymdylyq jasaldy. Maqtaaral audanyn su basqan kezde de «Däuletten» qaiyrymdylyq qory belsendık tanytyp, 24 mln 297 myŋ teŋgenı jinaǧan bolatyn. Däulet myrza «Adyrna» ūlttyq portalyna bergen sūhbatynda oqyrmandarymen bırge ottegı apparattaryn satyp aluǧa qarjy jinap jatqanyn atap öttı:  

• Karantin uaqytynda mūqtaj otbasylarǧa azyq-tülık tarattyq. Bügınde azyq-tülık emes, qinalyp jatqan jandarǧa ottegı apparattaryn satyp aluǧa aqşa jinap jatyrmyz. Däl qazırgı uaqytta 30 millionǧa juyq aqşa jinalyp qaldy. Onyŋ 15 millionǧa juyǧyna apparat alu josparda bar. Aldaǧy uaqytta Qytaidan 700 apparat keledı.

  Medisina aqsap tūr: därı tapşy, ottegı apparattary jetıspeidı   Indet üdei tüsken şaqta elımızde därı tapşylyǧy paida bolyp, emhanalarda ottegı apparttarynyŋ jetıspeitını anyqtaldy. Ainūr Tūrsynbaeva «AidynNury» qaiyrymdylyq qorynyŋ atynan 1 million, öz atynan 1 million teŋge bölıp, Qazaqstanǧa jetkılıksız därı-dermekterdı Türkiiadan jetkızudı qolǧa aldy. Sonymen qatar, aitysker aqyn emhanalardaǧy ottegı apparattarynyŋ jetıspeitının alǧa tartyp, otandastarymyzdy qaiyrymdylyq şarasyna şaqyrdy. Tūrsynbaevany Elmira Eşniiazova, Dinara Satjan, Däulet Töleutaiūly, Qairat Joldybaiūly, Janat Baqyt, Altynai Jorabekova syndy qoǧam belsendılerı qoldady.  Osylaişa nebärı bes künnıŋ üşınde 825 apparattyŋ aqşasy jinaldy. Bügın Türkiia memleketınen elımızge 125 ottegı apparaty keledı. Elıne janaşyr adamdarǧa ündeu joldaǧan belgılı dıntanuşy Qairat Joldybaiūly da äleumettık jelıde quanyşty jaŋalyqpen bölıstı:  

• Keşe Qazaqstannyŋ barlyq aĭmaqtarynan jastar, käsıpkerler habarlasyp auyldaryna, audandaryna, qalalaryna bır neşe danadan alatyndaryn aĭtyp, aqşalaryn jıberdı. Üles qosqan barşa azamattardan Alla razy bolsyn! 28 dana ottegı konsentratordyŋ qarjysyn jinap bergen Jannat Baqyt, aĭryqşa üles qosqan Kämşat Bekjıgıtova qaryndastaryma, qūjattaryn retteuge kömektesıp jatqan Berık Uälige, ündeuımızdıŋ halyqqa köbırek jetuıne atsalysqan Saĭlau Qamiev, Aĭgül İmanbaeva, Aĭbolat Janǧali, Bekjan Tūrys, Aĭnur Tūrsynbaeva, Ardaq Nazarov, Serık Abbas-şah, Saken Maĭǧaziev, Dosymjan Taŋatarov, Ǧadılbek Janai, Nürken Öteuıl, Amanjol Ältaĭ, Altynbek Äbış, Qūrmaş Mahan, Serıkzat Düĭsenǧazy, Beĭbıt Kuşkaliev, taǧy da basqa aty atalmaǧan azamattarǧa alǧysymdy bıldıremın. Mūndaĭ şaralar halyqty tek bırıktıredı. Barşaŋyzdan Jaratqan razy bolsyn! Sonymen ekı künde jinalǧan qarjy 35 808 895 teŋge boldy. Būl aqşaǧa Alla jazsa, 210 dana ottegı konsentratoryn alamyz. Bügın de jıberemız dep azamattar habarlasyp jatyr. Zavodqa alǧaşqy partiiasyna keşe tapsyrys berıldı. Endıgı partiiasyna aqşany aldymyzdaǧy seĭsenbı taŋerteŋ jıberemız. Odan keĭın qarjy jinalyp jatsa, kelesı partiiasyna taǧy da jıberetın bolamyz.

    Bır adamnyŋ ömırın alyp qalu - bükıl älemge ömır syilaǧanmen bırdei   Ottegı apparattaryn  satyp aluǧa öz qaltasynan qarjy qosqan azamattardyŋ bırı - Aigül Orynbek. Zaŋger sūhbat barysynda bilıktıŋ koronaviruspen dūrys kürespei jatqanyn jetkızdı:  

• Qazaqta "Oŋ qolym bergendı sol qolym bılmesın" degen keremet danalyq söz bar. Şyny kerek, osy uaqytqa deiın jasaǧan qaiyrymdylyqtarymdy jariia etpeppın. Būl joly halqymyzdyŋ müşkıl halın körıp, aşyndym. Bilıkte otyrǧan jandarǧa sabaq bolǧanyn qaladym. Özderıŋız körgendei, būl ındet menıŋ otbasymdy da ainalyp ötpedı. Aiaq astynan anamnyŋ ökpesı qabynyp, auyryp qaldy. Ökınışke orai, auruhanalar analizsız anamdy qabyldamaitynyn aitty. Al ol analizder tek bır aptadan keiın ǧana daiyn bolady eken. Osylaişa anamdy auruhanǧa jatqyza almai, 6 saǧat sandaldym. Köz aldynda anaŋnyŋ aua jetpei sönıp bara jatqanyn körgende, şarasyz qalady ekensıŋ. Bız «bırgemız, barlyǧyn keremet jasap jatyrmyz, barlyǧy baqylauda» dep jar salyp jürmız, bıraq elımızdıŋ medisinasynyŋ jaǧdaiy mynau. Adamnyŋ ölıp jatqanyn baqylap otyrǧan atqaruşy bilık kımge kerek? Qazır halyq qoişa qyrylyp jatyr. Osy jaǧdaidyŋ barlyǧyn köre otyra qalai men halyqqa kömek bermeimın? Bır adamnyŋ ömırın alyp qalu - bükıl älemge ömır syilaǧanmen bırdei. Mysaly, menıŋ anam - otbasymyzdyŋ tütının şyǧaryp otyrǧan adam.  Osylai bır otbasynyŋ asyrauşysyn, şamşyraǧyn aman alyp qalyp, tittei de bır kömegım tise, men üşın odan asqan baqyt joq. Özıŋnıŋ halqyna kömektesıp, meiırımdılık körsetu igı ıstermen ölşenedı emes pe? Jai ǧana 600 millionǧa  rolik tüsırıp, teledidar arqyly "Bız bergemız" dep ūrandatqan paida joq. Sözben emes, ıspen däleldeitın uaqyt keldı.  Men bilıkten halqymyzdyŋ jaǧdaiyn jasap beruın ǧana sūraimyn. Ata zaŋymyzda "Adam ömırı - bırınşı qazynamyz" dep körsetılgen. Ökınışke orai, bız sol qazynamyzdy saqtai almai jatyrmyz.

  Därıhanalardaǧy därı tapşylyǧyn eskere otyra, Arman Djumageldiev Şymkent qalasynyŋ tūrǧyndaryna 2000 dana kerektı därı-dermektı tegın taratty. Ol özınıŋ Instagram paraqşasynda jaqyn künderı Qazaqstannyŋ basqa qalalaryna da tegın därı jetkızetının habarlady.   Al tanymal blogerler Arman Iýsupov pen Karina Oksukpaeva komandasymen bırge adamdarǧa därı tabuǧa kömektesetın komek2020.kz saityn aşty. Qazır būl sait belsendı türde jūmys ıstep tūr.   Qazaq «Jūmyla kötergen jük jeŋıl» dep tekke aitpasa kerek. Būl tötenşe jaǧdai kezınde atqarylǧan igı ısterdıŋ bır bölıgı ǧana. Elımızdıŋ auyzbırşılıgı men tatulyǧynyŋ arqasynda ındettı jeŋetın künnıŋ alys emes ekenıne senımımız mol.

Diana ASANOVA, «Adyrna» ūlttyq portaly