QR Bılım jäne ǧylym ministrı A.Q.Aimaǧambetovke pandemiia kezınde jaŋa oqu jylynda qaşyqtan bılım beruge qatysty şeşım qabyldaudy talap etuge qatysty elımızdıŋ mektep mūǧalımderı atynan
ÜNDEU
Qūrmettı Ashat Qanatūly! Covid-19 pandemiiasy kezınde qanşama otandasymyz köz jūmdy. Arasynda tuystarymyz da, tanystarymyz da bar. Janǧa batyp, jürektı auyrtady. Indetke qatysty statistikalyq mälımetterdı ǧana baqylap otyrǧan joqpyz, naqty bolyp jatqan jaǧdaidy öz közımızben körıp otyrmyz. Mūndai jaǧdaida ata-ana retınde –balalarymyzdyŋ, mūǧalım retınde – oquşylarymyzdyŋ, qoǧamnyŋ belsendı azamattary retınde – qandastarymyzdyŋ, jalpy ūlttyŋ, adamzattyŋ ömırı men densaulyǧy üşın alaŋdaulymyz! Törtınşı toqsan bastaluǧa sanauly künder qalǧanda sız Ministr retınde oquşylardyŋ qaşyqtan oquy turaly şeşım qabyldadyŋyz. Aŋdyǧan dūşpan da, synaǧan sarapşy da az bolmady. Köbınese bılım salasyna qatysy joq taraptardan oqu jylyn jaz ailarynda jalǧastyryp, nauryz-mamyr ailarynda oquşylardyŋ demaluyn nemese müldem bılım aluyn toqtatuy turaly ūsynystardy aityp jatty. Mektep mūǧalımderı üşın qaşyqtan oqytu – jaŋa ärı qiyn format bolǧany jasyryn emes. Oǧan qaramastyn bız bır-bırımızge qoldau körsetıp, jūmysty jeŋıl alyp kettık. Eger sol törtınşı toqsandy jaz ailarynda mektep qabyrǧasynda jalǧastyruǧa qatysty ūsynysty qoldaǧanyŋyzda, qazır jaǧdai bırneşe ese qiyndaityn edı (lokdaun kezınde adamdar köz jūmyp, karantindık şaralar küşeitılgen kezde balasyn mektepke jıbereruge daiyn tūrǧan ata-anany bılmeimız). Endı jaŋa oqu jylyna qatysty şeşımnıŋ qabyldanuyna sanauly saǧattar qaldy. Şeşım qabyldamai tūryp bırneşe nūsqa bar ekenın de aittyŋyz. Ministrlık mūǧalımdermen de, ädıskerlermen de, sarapşylarmen de, aiti salasynyŋ mamandarymen de aqyldasyp, kündelıktı jinalystar ötkızıp jatyr. Feisbukte tıkelei efirge şyǧyp jatyrsyz. Ony saladan habary bar, közı aşyq jandar körıp otyr. Estıp otyr. Degenmen, älı de oilanuǧa bolady! Jan-jaqtan «davlenie» körsetıletını tüsınıktı. Degenmen, sabaq beretın mūǧalımder qoldau körsetuge, sabyrlyq tanytyp taǧy da qaşyqtan jūmys ısteuge, taŋ atqannan tünge deiın bolsa da eŋbek etuge daiyn. Mūndaǧy basty maqsat – balalarymyz ben oquşylarymyzdyŋ qamy, ūrpaqtyŋ densaulyǧy. Üide otyrǧan ata-analar mūǧalımnıŋ jūmysy qanşalyqty auyr ekenın sezındı, tüsındı. Degenmen kez-kelgen ata-ana üşın balanyŋ densaulyǧy bırınşı orynda! Sız de – äkesız! Qazır dästürlı formatta oquǧa qatysty şeşım qabyldansa – mektepter satyp alu räsımderın jürgızıp, qajettı sanitaizer, kılemşe, taǧysyn taǧy satyp alatynyn bärı bılıp otyr. Tıptı bır partada bır bala otyrsa da, sabaq sany qysqartylsa da bala mektepten üiıne jeter jolda türlı nauqas jandarmen kezıguı mümkın nemes üiınde auyryp jatqan tuysymen bailanysta bolǧan soŋ, synyptastarymen saǧynysyp körısedı. Täuekelder jeterlık. Joǧarydan tapsyrma tüsse mektepter sanitarlyq jaǧdaidy küşeituge äp sätte daiyn bolady. Mūǧalımder üirenşıktı formatta sabaq berıp, qiyndyq körmeidı. DEGENMEN!!!! Balanyŋ densaulyǧyna qauıp tönedı. Jaǧdaidyŋ tūraqtalǧanyn küteiık. Sabyr saqtaiyq. Elımızdıŋ mūǧalımderınıŋ köpşılıgı sabaqty qaşyqtan beruge daiyn. Bız eŋbek demalysynda bolsaq ta, jaŋa oqu jylyna qamdanyp jatyrmyz. Endeşe nege bızge senım artylmauy kerek? Nege balalardyŋ, oquşylardyŋ densaulyŋyna qauıp töndıruge jaǧdai jasauymyz kerek? Öz qolymyzben mūndai qadamǧa bara almaimyz! Odan da jūmyssyz, ailyqsyz üide otyruǧa könemız! Būl – jūmysy bırneşe ese qiyndai tüsse de, qaşyqtan bılım beruge daiyn, balalardyŋ qamyn oilaityn mūǧalımderdıŋ jan aiqaiy! Qazır Bılım jäne ǧylym ministrlıgı ǧana emes, İnternetke jauapty ministrlıktıŋ esebı tyŋdalatyn, jūmysy saraptalatyn kez! Sifrlyq damu, innovasiialar jäne aeroǧaryş önerkäsıbı ministrı jaz boiy ne bıtırdı? Aldymyzǧa şyqsyn! Mektepterdı kompiutermen jabdyqtauǧa äkımdıkter mındettı ekenın bärı bıledı. Äkımder ne bıtırdı? Tek salalyq ministrlıkke qarap, «prokatit» dep otyrǧandar esep bersın! Densaulyq saqtau salasyndaǧy mamandardyŋ keŋesı qaida? Sanitar därıgerler nege ündemei otyr? Bızdıŋ talap – osy! Oqyta bıletın mūǧalım qandai jaǧdai bolmasyn oqytady! Oqi bıletın bala qandai jaǧdai bolmasyn – oqidy. Kezınde maişammen de kıtap oqyǧanbyz. Bıraq, densaulyq maŋyzdy. Balanyŋ densaulyǧy – bolaşaǧymyzdyŋ densaulyǧy. Osy Ündeudı qoldaityn ūstazdar, ata-analar, qoǧam belsendılerı laik qoiyp, repost jasasyn! #Balam_üide_oqysynQazaqstan ūstazdary.
Qol qoiu jalǧasuda
