Atyraý qalasynyń turǵyny, erikti Arman Rahmet feısbýk jazbasynda aýrýhanada erikti bop ótkizgen bir kúnin jazdy. Ol dárihanalarda uıymdastyrýshylyq qyzmetiniń syn kótermeıtinin aıtady.
12 saǵattyq túngi smennen shyqtym.
Munaıly astananyń oblystyq aýrýhanasynyń qalaı jumys jasaıtynyn aıtaıyn ba?
Jumys uıymdastyrý deńgeıi – NÓL!
Nege bálen aıdan beri jetkilikti túrde IVL apparattaryn alyp qoımadyńdar, kovıd shyqqannan beri 7 aı ótti emes pe?
Jaqsy, IVL joq ekenin bilesińder, demek kıslorod balondaryn paıdalanatyndaryń aıdan anyq, olaı bolsa nege tómendegi máselerdi aldyn ala sheshpedińder:
1. Kıslorod balondaryn aýrýhana esebinen aldyn ala satyp alyp, olardyń kúndelikti túrde aýamen toltyrylyp, toqtamaı kelip turýyn qamtamasyz etý. Qazir bildeı oblystyq aýrýhana qaıyrshy qusap kásipkerlerdiń balondaryna qarap otyrsyńdar, olar kıslorod ákelmegende ne bolatyn edi? Oılaý qorqynyshty.
2. Balondardy daladan ishke kirgizip, naýqastarǵa ýaqtyly jetkizip turatyn jalaqy tólenetin rabochıılar alý.
Olardyń grafıgin 6 saǵat saıyn aýysyp turatyn qylý. Sebebi jumys aýyr jáne basqalaryna qaraǵanda vırýs juqtyrý qaýpi joǵaryraq (Mysaly ballon tasyǵanda aýa ótkizbeıtin kıimnen terińiz kózińizge quıylady, ony súrtesiz)
3. Kıslorodnyı ballondarǵa kóptep redýktorlar alyp qoıý. Osyǵan deıin redýktorlardy bizdiń eriktiler óz aqshalaryna alyp júrdi.
4. Árbir bólimge jumys uıymdastyrýshy koordınatorlar taǵaıyndaý, mindetti túrde medıınalyq bilimi bolýy shart emes. Ol adam balondardyń kıslorodpen toltyrylyp ákelýin, olardy tasıtyn jigitterdiń jumysyn uıymdastyryp, baqylap jáne redýktor sııaqty kerek jaraqtyń úzbeı jetkizilip turýyn qamtamasyz etýi tıis.
5. Tún mezgilinde dejýrnyı dáriger tappaısyz, al aýrýlar ádette túnde qysylady. Sondyqtan túngi smenge vrachtardy kóbeıtý.
Qıyn ba? Joq. Kóp mı kerek pe? Joq.
Al sizder bulardyń birin de jasamaǵansyzdar!!!
Sizder mysaly 90 kg aýyr ballondardy joǵaryǵa tasýdy, naýqasqa 32-lik gaechnyı kiltpen jalǵaýdy, bosaǵan balondardy tómenge túsirýdi órimdeı jas medbıkelerdiń moıyndaryna ile salǵansyzdar. Qalaı ǵana dátteriń bardy buǵan? Men, sportpen shuǵyldanatyn myǵym jigit qazir sharshap talyp otyrmyn, 12 saǵat balon tasýdan! Múmkin 3 medbıke jabylyp júrip joǵaryǵa bir balon ákeldi delikshi, al qalǵan naýqastar she? Óle me? Ol jerdegi naýqastardyń kóbiniń kıslorodnyı balonsyz 5 mınýt otyra almaıtynyn bilmeısizbe?
Búgin mysaly jansaqtaý bólimine qart ájeı tústi, dárigerler dereý qutqarý sharalaryn bastap ketti. Kenetten ájeı demalyp jatyrǵan ortalyq kıslorod júıesinde qysym azaıyp ketip, ájeı dem ala almaı qaldy. Bir ǵana amal qaldy- kıslorodnyı balonǵa qosý. Qosaıyn desem balon bar, redýktor joq. Dereý sharýashylyq bólimine soǵyp redýktor jetkizýin suradyq, al olar qoımany kilttep ketip qalǵan (!) Ájeı aýa jetpeı qınalyp jatyr, ne isteımiz? Men birneshe júz metrdegi basqa ǵımaratqa jantalasyp júgirip baryp, ózim buryn kórip ketken redýktordy alyp kelip jalǵadym, ájeı bir ólimnen qaldy-aý deımin. Al qoımada redýktor tolyp tur (!)
Endi oılap kórińizdershi qanshama adam osyndaı uıymdastyrýdyń nasharlyǵynan aýa jetpeı ólip jatýlary múmkin???? Al bul meniń tek bir túnde kórgenim!
Endi bizge, ıaǵnı eriktilerge keleıik.
Biz qazir 2 jigit kúndiz, 2 jigit túnde 12 saǵattan aýysyp jasap júrmiz (Kıslorodnyı balon tasý, jalǵaý).
Elestetip kórińiz kún saıyn ottegi balonyn aýa ótkizbeıtin kıimmen demalmastan 12 saǵat tasýdy. Endi qalaı oılaısyz biz endi qansha kún shydaımyz? 5 kún? 10 kún? Al resmı aqparatqa sensek kovıd áli birneshe aıǵa sozylmaq. Jáne mysaly jaqynda meniń kezekti vahtam bastalady, demek múldem erikti bolyp jasaı almaımyn. Sonda men kıslorod aparyp júrgen naýqastar ne bolady? Tunshyǵyp óleme?
Qanshama úndeýler, jınalystar, statıstıkalar, bári jaqsy degen aqparattar.... Al is júzinde ájeı redýktor joqtan ólip kete jazdady!
Joǵaryda jazǵandarymdy qorytyndylaı kele aıtarym, sizder Qańtardan beri kovıdqa emes, "dárigerlerdiń kóńil kúıin kóteretin" salıýtqa daıyndalǵansyzdar!
Jáne birneshe kún ortasynda bolǵan adam retinde astyn syzyp aıtarym - Dárigerler men Medbıkeler, Sanıtarkalar óz jumystaryn jankeshtilikpen atqarýda, búkil problema uıymdastyrýdy bilmeıtin basshylarda!
Eń bolmasa dereý meniń joǵaryda jazǵan is-sharalarymdy jasańyzdar, qanshama adam ólimnen aman qalady!
Bul salaǵa endi sovoktyq statısttar emes, krızıs menedjerler kerek.
P.S. Ókinishke oraı bizdiń elde bundaı aýrýhanalar kóp shyǵar.
Aıtpaqshy, palatalarǵa aýa salqyndatqyshyn qoıyńyzdar qapyryq qylmaı!
Jáne postyńdy ketirshi degen áńgimeler bastaldy, kelesisin birden osy jerge aty-jónimen shyǵaram.
