«Taraz» oıynshylary men ujymy IVL apparattaryn alyp beredi dep habarlaıdy klýbtyń resmı saıty.
«Taraz» klýbynyń ujymy elimizdi ábigerge salǵan álemdik pandemııamen kúresip jatqan dárigerler men medıına salasynyń barlyq qyzmetkerlerine qurmetpen qarap, adam janyn arashalaýdaǵy isterine bas ıedi. Kún-tún demeı kúzetip, syrqattanǵan jandardyń janynan tabylyp, járdem jasaýy qandaı qurmetke bolsa da laıyq.
Búgin fýtbol klýbynyń ákimshilik quramy men oıynshylary koronavırýs juqtyrǵandar men pnevmonııamen aýyryp jatqan jandardy emdep júrgen ınfekıondy staıonardaǵy 100 medıına mamanyna túski asqa arnap tamaq pen jemis-jıdek jetkizdi.
Klýb basshysy Talǵat Turlybaıuly:
-Qaýipti ınfekııamen kúreste erlik tanytyp, alǵy shepte júrgen dárigerlerge degen shynaıy qurmetimizdi bildirgimiz keledi. Bastysy ol jandarǵa rýhanı demeý kórsetý. Biz, qarapaıym azamattar dárigerlermen birge ekenimizdi, olardyń isi erlikke para par ekenin kórsetý, - deıdi.
Bul ıgi is Jambyl oblysy ákimdigi men dene shynyqtyrý jáne sport basqarmasynyń úgit nasıhat jumysynyń nátıjesi.
«Taraz» fýtbol klýbynyń basshylyǵy shetelden 5 dana IVL apparatyna tapsyrys berilip qoıǵanyn aıtty. Aldaǵy ýaqytta jetkizilmek. Aıta ketý kerek, fýtbol klýbynyń qyzmetkerleri men fýtbolshylary ózderiniń jeke qarajaty esebinen demeýshilik tanytty.
Eske salaıyq, pandemııa kezeńinde búginde Jambyl oblysynda úsh dáriger pnevmonııamen aýyryp, qaıtys boldy. Fýtbol klýby qaıtys bolǵan medıına qyzmetkerleriniń týystary men jaqyndaryna qaıǵysyna ortaq bolyp, kóńil aıtady.
