Belgılı dıntanuşy Qairat Joldybaiūly qazaqstandyqtarǧa osyndai ündeu jasap, jaqynynan aiyrylǧan qazaqstandyqtarǧa tuystaryna "sızderdı tüsınemız, janazaǧa kelmei-aq qoiyŋyzdar" dep aituyn sūrady.
"Ardaqty aǧaiyndar! Qazırgı ındetke bailanysty men sızderge maŋyzdy bır ündeu tastaǧym kelıp otyr. Janaza köbeidı. Kün saiyn qaraly habardy estıp, jüregımız auyryp, köŋılımız qūlazyp, qabyrǧamyz qaiysuda. Ökınışke orai, älı künge deiın auyl-auylda, tıptı qalalarda qūdalyq siiaqty toi-tomalaq älı üzılmei tūr, jalǧasyp jatyr. Sony doǧaryŋyzdar. Bolmaidy... Sebebı sol qūdalyqqa, sol quanyşqa kelgen kısılerdıŋ arasynan osynau dertke şalynyp, qanşama adam myna düniemen qoştasyp jatyr. Sondyqtan toidy, tomalaqty, qūdalyq siiaqty räsımderdı doǧaryŋyzdar. Qazır janaza köp, qūrmettı aǧaiyndar, et jaqyny bolmasaŋyzdar, janaza räsımderıne barmaŋyzdar "Qūrmettı janaza ielerı, aǧaiyn-tuysqa aityŋyzdar: "bız sızderdı tüsınemız, janazaǧa kelmei-aq qoiyŋyzdar. Myna ındet bıtkennen keiın, ölımge qatysty barlyq räsımdı jasaimyz, sol kezde kelesızder" dep aityŋyzdar. Qūrmettı aǧaiyndar, az ǧana qazaq qyrylyp qalmasyn desek, toi-dumandy, qūdalyq siiaqty räsımderdı toqtatyŋyzdar. Janazaǧa barmaŋyzdar", - dedı Qairat Joldybaiūly Instagram jelısındegı paraqşasynda. https://www.youtube.com/watch?v=vfwk9xDGMnc&feature=youtu.be
